أوره گين دوشمانلاري

1-چاي ، قهوه ، الكلي ايچمه ليلر و تحريك ائدن يئمكلر و ادويه لر، بونلار اگر چؤخ يئيليب يا ايچيله لر أوره گه زهر كيمين بير إيشمه لي ساييلاجاخدير.

2-سينير لنمه(عصبانيت):سينيرلنمه بدني آماده ساخلايير بونا بنظركي سيز ساواشا گئديرسيز و دئيليركي بير دفعه سينيرلنمه 10 فنجان قهوه دن چؤخ ضررليدير.

3-بدني چؤخ زؤرا سالماخ : أورنك أوچون هيكل بويودنلرين أوره كلري زورا دوشوب بير چاغدان سؤنرا داها إيشليَينمزلر.

4- دوز :دوز چؤخ إيشلدمك و شؤر يئمك چؤخ يئمك أوره گي إيشدن سالار مخصوصا بو ساغدانكي شؤر يئمك قان باسيغي(فشار خون) گتيرر.

5- دخانيات :

جيغالا كي بير دخاني مواد دير اوره گين دامارلارينين توتولماسيندا و قان باسيغي(فشار خون)گتيرمكده أونملي  بير أويون أوينويور.

اوره گي قؤرو

يازينين داليسيني أوخوماسان أودوزوبسان

پِنجَرلري(سبزي) نه جور يوماق أولور

پِنجَر لر و يئميشلر(مئيوه) باب أونملي يئمك لردندير كي بيزيم جانيميزا بؤل بؤل ويتامين لري يئتيرَرلر آما پنجَرلر بو فايدلارين يانيندا اگر يويولماسالار ضررليده أولا بيليرلر ، هاميميز بيليريك كي اينديجه چوخلي پنجر اَكَنلر بونا گوره كي پنجَرلري قوّه لي أولسون چِئي (خام) فاضلابي هُكمه وارلارا(هُكمه وار بير يئرديركي أوردا تكجه پنجَر اَكيرلر) توكورلر چونكي چِئي فاضلابدا ميكروبلار ديريديلر و اينساني مريض ائده بيلرلر بيز پنجرلري گرك يئمكدن قاباق بو دؤزوميلَه(ترتيب) يوياخ ، اينديده اگر سيز ايستيرسيز بو يوماقي أورگَشه سيز منيله يؤل بير أولون .

1-پنجَرلري آلاندان سونرا سوإيله تميز يويون بلكه ليق لاري(زيق=گل و لاي)گئدسين و چؤر چوپون گؤتورون.

2-بير تانه 5 ليتري قاب تاپين و 15 دامجي ريكا (قاب مايعي) بونون ايچينه توكون و أوني كَفلنديرين .    

3-ايندي كَفلي سويا پنجَرلري توكون و تكجه و تكجه 5 دقيقه بو سودا ساخلاگين بو 5 دقيقه ني يئرينه گتيرين يوخسا اگر بوندان آرتيق بو كفلي سودا ساخلاساز ريكا پنجرلرين و يئميش لرين قابيقينا گيره جك(جذب).

4- ايندي پنجرلري سوإيله بُؤل بُؤل يويون .

5-تازاشدان قابي 5 ليتر سودان دُولدورون و قابين ايچينه بير گرم (چاي قاشيقينين ياريسيجا) پركلرين پودريني توكون و سودا چارخالائين (حل).

6- يِئنه 5 دقيقه پنجرلري بو سودا ساخلاگين .

7-پنجَرلري بُؤل بُؤل سوإيله يوگون .

پركلرين و ريكانين إولچوسي قابين أولچوسونه گورا آزاليب و چؤخالا بيلر .

يازينين داليسيني أوخوماسان أودوزوبسان

أوره گي گوجلنديرمه

أوره ك سئون يئمك لر نئدير؟

1-بال:

بال بير يئمكديركي أوره گه گوج وئريب و أونين إيشيني راحاتلادار.

2-ساريمساخ:

عضله و أوره گه گوج وئزيب و قاني دورولداجاخ ، قانين آخماسيني دوز ائدر.

3- بنووشه شربتي:

سويوخ و رطوبتلي يئرلرده أوره گين توتولماسيني و غششي آرادان آپارار آما چؤخ إيشمك أوره گين ضررينه دير ياخجيسي 5 مثقال گونده دير.

4-بيد مشك :

اوره گين و داماغين گوجلديب و باش آغريني كسر.

5-ديل أوتي (شربت گاو زبان)

أوره گه أوره ك وئر

يازينين داليسيني أوخوماسان أودوزوبسان

ديشلريمي نه جور يويوم؟

- ديشلريمي نييه گرك يويام؟؟؟

- ديشلريم خراب أولسون نه أولور ، آپاررام قؤندارما ديش گؤيارام ؟؟؟

- گؤندارما ديش قؤيماسام نه أولار ، من نئچه نفر تانيرامكي ديش سيز گئچينيرلر؟؟؟

و ...

مومكيندير سيزده منيم بو باشليغيمي گؤردوغوز چاغ بو سؤزلري أوزوزدن سوروشاسيز و بونلاري يانيتليياسيز ، آما من سيزدن ايستيرم تَلَسمييَه سيز(عجله إتمييه سيز) و سؤزلريمين داليسيني أوخويوب سونرا دوشونه سيز.

يازينين داليسيني أوخوماسان أودوزوبسان

يئميش(مئيوه) يئگيم؟ نه قَدر؟ نه چاغ؟

بوگونلر هئچ بير شيئ أوز يئرينده دَگيل يئمگيميز ، إيشمَگيميز ، إيشلمه گيميز و... أوناگوره سايين يوردداشلاريم ; اگر أوزوموز أوز جانيميزي و ساغليقيميزي قوروماساخ آخيريميز خسته خانايا چكه جك بو سوز منيم أوره ك سوزومدور كي سيزه دِديم ، بير چاغ واريديكي سوفرالاردان پنجر و يئميش اَسكيلمَزدير و اينسانلار چؤلده ، داغدا ، داشدا ، يولدا و... يئميش يگيب ، چؤخ آتلانيب دوشَرديلر ، تَرپشمَگيميز(تحرك) چوخ چوخيدير آما إيندي نه أولوب ، بيزيم باشيميزا نه گليب ، اينسانلار آز قالير آياق يئرينه ده ماشينلا گئده لر ، چيپس و پفك أوشاقلارين باش يئمگي أولوبدور دوندارما هئر گون واردير ، كنسرو أولموش غذالار ائو غذاسيني أوتوروب أشيگه ، قارينلار شيشيب آز قالير پاتلايا.   ...

يازينين داليسيني اَلدن وئرمَگين ، گوزل مئيوه گورونتولري و ....

يازينين داليسيني أوخوماسان أودوزوبسان

ايبوبروفن داواسي سوموكلري پوكاتماز!!!

سيز باشليقي دوز أوخويوبسوز ايبوبروفن داواسي كي بو گونلر چوخ دَب أولوبدور و چؤخ اينسانلار باشلارينين يا جانلارينين آغريسيني كَسمك أوچون إيشلديرلر سوموگو پوكاتماز كي هئچ ، سوموگون يارادماسيندا أونملي أويونو واردير.

گراند بيليم يوردونون(دانشگاه گراند) آختارانلاري(محقق لري) بير آختاريشدا(تحقيق ده) بو سُونوجا يِئتيرديلركي ايبوبروفن داواسي كي بير توختادان شيش قورودان استروئيدسيز(NSAIDS) (داروي مسكن ضد التهاب غير اسروئيدي) داوادير چاتلاميش ، سينميش سوموكلرين پيتمه سينده(ترميم) أونملي بير أويونو أولابيلير بو آختاريشين سُونوجو ، أو دوشنجه إيله كي اينسانلارين آراسيندا واردير و دِگيرلركي ايبوبروفن سوموكلري پوكالدار بوتون فرقليدير .

مهرين دِييشينه گورا ، كلينيكال سيناقلار(آزمايشات غير باليني) گورسَديبلركي پروفن أوبيري NSAIDS داوالارين تَرسينه (عكسينه) هئچ بير منفي اثري آستنوبلاستلارين(بير سلوللارديلاركي سوموگون ماتريسينين دوزَلمه سينده و تازاشدان دوزَلمه سينده أونملي أويونلاري واردير و بو سلول لارين أولماسي سوموگو بَركيدَر) يارانيب و چؤخالماقيندا يوخودير .

داوا كيتابلارينا باخسازدا گورَرسيزكي منيم دِييشيم دوزدير و بو داوا سوموگه گورا هئچ بير عارضه سي يوخدور.

يازينين سونوندا بونو دئمه ليگم كي:

 ساغ جانيزي قورويون تا بو داوالارا ايشيز چاتماسين.

يازينين داليسيني أوخوماسان أودوزوبسان

ساريمساخ فايدالاري

ساريمساخ بير آب آغ(كاملا سفيد) يئميش(مئيوه) دير دادي(طعمي) بير آز آجيا چالير و بير آزجا سولودير هئر كيم أوني يئسه آغزيندان بير آز پيس قوخو گلَجَك آما أو قدر فايداسي و دَيَري وارديركي أوني يگيب و پيس ايگيسين چَكَسن چؤخلي يئمك لره سالماخ أولار أوني هم چِئي و هم ده پيشميش يئمك أولاراگر چؤخ پيشسه ويتامين ث سيني اَلدن وئرر فايدالاري چؤخدير كي بو بؤلومده نئچه سيني آد آپاراجاغام.

ساريمساقين فايدالاري : ......

يازينين داليسين (آرديني)أوخو....

يازينين داليسيني أوخوماسان أودوزوبسان

كِريمه-كنگو قيزديرماسي

كيمليك:                                

بو مريضليك ويروسي(آربو ويروس-بونيا ويريده) دير و بوناگوره كي بيرينجي دَفه كريمه و كنگو شهرينده گؤرسَنيبدير،آديني كريمه-كنگو قيزديرماسي قويوبلار.

 يازينين داليسيني(آرديني) أوخو...

يازينين داليسيني أوخوماسان أودوزوبسان

واكسيناسيون

سايين سوي داشلار، بيليرسيزكي قوروماخ(اُزونيزي)درماندان ياخجيدير(پيشگيري بهتر از درمان).

اگر بؤگؤن گؤرورسيزكي داها قاباقكيلار كيمي گؤي اوسكوره ك،قيزيلجا،فلجي و... گؤرسَنمير،بونا گوره ديركي اكسيناسيون دوزگون شكيلده گؤرولور.

ايندي ايراندا واكسيناسيون بوجور گورونور.

         -اُوچلوخ:ديفتري،گوي اُسكورَك،كُزاز

         -ام.ام.آر:قيزيلجا=قيزارميك(سرخك)،قيزارميكجيك(سرخجه)،اُريون

         -قارا جيگر إينه سي=هپاتيت

يازينين داليسيني (آرديني) أوخو....

يازينين داليسيني أوخوماسان أودوزوبسان

قودورغانليق=قودوزلوق

(هاري)

      اُنَم:

       هاري بير ويروسي خسته ليكدير اُنَم بوردادير كي هئر كيم قوردوغانليق(هاري) مريضليگيني توتسا ؛ تاكيد اِليرَم مريضليگيني توتسا ؛ اُولومونون احتمالي چوخ يوخاريدير بو مريضليك اينساندا و چوخلي قان ايسدي(خونگرم)حيوانلاردا انسفالوميليت(بِيين پرده لرين(اينسفالوم) شيشمه سي ) وئرير، بو مريضليك ايراندا و هابئله  آسيا و آفريقا قاره سينده گورشور.

يازينين داليسيني(آرديني) أوخو....

يازينين داليسيني أوخوماسان أودوزوبسان

اروجلوق آيي و أونون فايدالاري

قايناق:

دوكتور هامييا  يازان:اسماعيل اژدري

بو بولومده ايستيرم اروجلوقون فايدالاريندان دانيشام بولمورَمكي سيزده بيليرسيز يا يوخ كي اروجلوق تكجه اينسان أوچون دگيل ، حيوانلاردا اروج توتارلار أؤرنك أوچون آصلان يا قاپلان بير حيواني توتوب ييگندن سونرا بير ايكي گون اروج توتار و چوخ آز ييگَرلر يا ايت و پيشيك قارنيلاري آغريياندا بعضي يئمك لري يئميرلر يا بير جوره أوت يگيرلر تا قارين آغريلاري سُؤنه  پس دئمك أولاركي تانريميز اينساني و حيوانلاري ياراداندا بو مسئله ني نظرده آليب كي بيزيم سينديريم بوروموز (لوله گوارش) و بوغارساكلاريميز بير زامان دينجَلمَگه و استراحته چيخماليدير و بوني حيوانلاردا بوجور گتيريب كي حيوان دوياندان سونرا بير ايكي گون يئمك دن اَل چكه آما اينسان بونا گوره كي عاقلي واردير بو نئچه گون حسابلانميش و و چاغي(زاماني) بولونميش .

 يازينين داليسيني(آرديني)أوخو....

يازينين داليسيني أوخوماسان أودوزوبسان

سيگار يا جيغالا

        يازينين قايناق:

بولاشمييان مريضليكلردن قورما ، اوشاقليقدان و گِنج ليقدن نيگه؟ نه جور؟

    (پيشگيري از بيماريهاي غير واگير از دوران كودكي ونوجواني چرا؟ چگونه؟)

هاميميز بيليريك كي جيغالا (سيگار) اينسانين بدنينه ضررليدير آما اگر ايستيه ك علمي دانيشاق بوجور دئمك اُؤلار.

 آختاريشلار بونو دِگير:

1- جيغالا(سيگار) چَكمك صنعتي اْولكه لرده ياب اْنملي اْلوم عاميليدير و ياب راحات قاباغي آلينان عاميلدير .

اُورنك اوچون آمريكادا اگر جيغالا(سيگار) چّكيلمه سَيدي:

- يوزده 22 (22٪)  اوشاقلارين سايي كي آنادان اْلاندا آريق دونولورلار آزالاجاق.

- يوزده 33 (33٪)  اُوره ك مريضليكلري آمريكادا آزالاجاكدير .

- يوزده 41 (41٪)  بير آيليخدان بئش ياشاجان اولان اُلوملرين سايي آزالاجادير .

 - يوزده 50 (50٪) سودوكلوكون (مثانه) كوتو (بدخيم) مريضليكلري  آزالاجادير .

- يوزده 90 (90٪) نفسه باغلي مريضليكلر آزالاجادير .

يازينين داليسيني (آرديني) أوخو....

يازينين داليسيني أوخوماسان أودوزوبسان