دئيرلر: قليانين كؤتو سؤنوجو (ضرري) يؤخدور!!!

سيز نه دئيرسيز؟؟؟

اَير قليان چكن اينسانلارين آراسينا گئدسن دئيرلر قليانين توستوسو سويون ايچيندن گئچير اونا گؤره سو كؤتو (ضررلي) موادين آلير آما بولونكي بو تكجه بير يانليش (اشتباه) سؤز دير ، قليانين توستوسو سودان گئچندن سؤنرا كؤتو (ضررلي) موادلاردان دؤلودور  اورنك اوچون مونوكسيدكربن (CO2) ، آغير دميرلر و چؤراغ (اينساني چورودن بير شيئ=سرطان) گتيرن موادلار و قليانين توستوسو چؤخلي خسته ليكلر يارادير كي اورنك (ميثال) اوچون دؤداخ و آغيز و قورساخ (معده) و قورساخ يؤلو (مري) چؤراغي (سرطاني) و بيرده پانكراس (لوزالمعده) و قاراجيگر و قالين بؤغارساخ چؤراغيني و آد آپارماخ اولار بو كؤتو سؤنوجلارين (ضررلرين) يانيندا اينسانين پيس بير قؤخو آغزيندان گلمه سي و ديشلرين سارالماسي و قورساخ ريفلاكسي (آسيد قورساخدان آغيزا گلمه سي)ياب آز كؤتو سوونوجلارينداندير.

قديم دوشونجه لره باخميياراخ كي دئيرديلر قليانين توستوسو سودان گئچمه سينه گؤرا كؤتو سؤنوجسوزدور (ضررسيزدير) نييه كي ايندي لابراتووارلار (آزمايشگاه) گؤرسَديبلركي قليانين توستوسو حتي سودان كئچندن سؤنرا كؤتو مواددان دؤلودور و قليانين توستوسو ياب اونملي آغ جيگر چؤراغي (سرطاني) و اوره ك-دامار خسته ليكلري يارادانلاردان ساييلير بونا گرك قليانين معتاد اِلمه خاصيتيني آرتيراخ ياني بوكي سيز اَير قليان چكمگه باشلاساز هِئي هِئي بِينيزه ووراجاخ گئديب بير داها چكئسيز.

تازا آختاريشلار گوزه لليكله ايراندا بوني گؤرسَديبلركي قليان و بنگ (بير پيپ ماري جووانا چكمك اوچون) سيگارجا آغ جيگره كؤتو سؤنوجلودور (ضررليدير) و هئر ايكيسنده اوسكورمه ، نَفَس آغيرليغي (تنگي نفس) و خس خس سسي نفس آلاندا گؤروشوب.

بو آختاريشلارين بيريسي بو سؤنوجا يئتيريب:

اوچ بؤلك (گروه) اينسان سئچيليب:

1-قليان چكنلر:57 نفر

2-جيغالا (سيگار) چكنلريكي توستونو ياب چؤخ آغ جيگرلرينه آپاريرلار :30 نفر

3-جيغالا چكنلريكي عادي چكيرلر :51 نفر

4-جيغالا چكميرلر:44 نفر

آختاريش بونو گؤرسترديلر:

خس خس سسي : يوزده 23 (23%) بيرينجي بؤلكدن (گروه) ، يوزده 30 (30%) ايكينجي بؤلكدن ، يوزده 22 (22%) اوچونجي بؤلكدن ، يوزده 9 (9%) دؤردونجي بؤلكدن.

نفس آغيرليغي (تنگي نفس):

يوزده 37 (37%) بيرينجي بؤلكدن ، يوزده 40 (40%) ايكينجي بؤلكدن ، يوزده 29 (29%) اوچونجي بؤلكدن ، يوزده 13 (13%) دؤردونجي بؤلكدن .

اوسگورمه :

يوزده 21 (21%) بيرينجي بؤلكدن ، يوزده 37 ايكينجي بؤلكدن ، يوزده 20 ايكينجي بؤلكدن ، يوزده 7 (7%) دؤردونجي بؤلكدن .

نئجه كي سيزده گؤرورسوز بو آختاريش جيغالا (سيگار) و قليانين اتگيسيني (اثريني) اينساندا بؤلوندورور.

سؤن تاپشيرما:

جيغالا (سيگار) و قليان يوزده يوز اينسانا كؤتو سؤنوجلاري واردير ، شايد تئزليكجه اتكيسيني گؤسترميئه ، آما بير شيئ ديركي تئز گئجي واردير آما يانديسي يؤخدور.

يازينين داليسيني أوخوماسان أودوزوبسان

آنتن لريكي ئولومو ياييل لار؟

14 ميندن چؤخ ايرانين باشا باشيندا جيب تلفن (موبايل) و مخابراتي آنتني واردير بو آنتنلر دوردوغو حالدا كؤتو سؤنوجسوزديلار (ضررسيزديلر) آما اَير بير اينسان چؤخ زامان بونلارين يانيندا ياشيئا يا بو آنتنلر ائوينين يانيدا اولا چؤخ چؤخ كؤتوسؤنوجلي (ضررلي) اولا بولرلر .

ساغليخ بؤلومونده اولان ايش بولنلر و اوزمانلار (متخصص لر) بويرورلاركي بو آنتنلر و مخابراتي دكل لر او اينسانلارين ساغليغيناكي بونلارين يانيندا اوزون سوره ياشيئيرلار كؤتو سؤنوجلاري (ضررلري) واردير گؤزه لليكله آتاغلاردا (نئچه قاتلي تيكيلميش تيكينتيلر=آپارتمانلار) كي بعضي زامان گؤروشور اينسانين ياتاخ يئرينه چؤخ ياخينديلار.

بو كؤتوسؤنوجلاردان (ضررلردن) قؤروما سيستئمين گوجسوزلنديرمه سي (تضعيف سيستم ايمني) ، سؤنسوزلوغو (ناباروري) كيشيلرده چؤخالتماخ ، آلزايمر و پاركينسون خسته ليگي گتيرمك ، سينير (عصب) خسته ليكلري گتيرمك ، گؤز و باشي آغريدماخ و آجسيزليغديرماغي (اشتهاسيزليخ) آد آپارماخ اولار.

بو آنتنلرين اتگيسينه (اثري) بو بَسكي چؤخلو گوش و اوچان حيوانلار بو آنتنلرين ياخينينا دوشمويوب و حتي ؤ شهرلرده كي بو آنتنلرين سايي چؤخ آرتيريب هئچ بير گوش گؤروشمور اورنك اوچون تهراندا گوشلارين ياريسي كؤچوبلر.

بوناگوره تهرانين شهر شوراسي بير ئونَري (اونجه دن حاضيرلانميش بير شيئ=لايحه) بئيندي (تصويب ائتدي) كي بو آنتن و دكل لرين قؤشماسينا ، قؤشان شركت گرك مجوّز آلا و بوجورليغيلا سؤي داشلارين خياليني بير آزجا راحات ائتدي آما ايندي بو لايحه نجور يئرينه گتيريله زامان ديئر.

آما سيز مندن بو تاپشيرماني قبول ائدين و اَير جان ساغليغي ايستيرسيز بو دكل لرين يانيندا و آلتيندا ياشامايين.

يازينين داليسيني أوخوماسان أودوزوبسان

آنانين سوتو بؤغارساخ عفونتينين قاباغيني آلير.

آختارانلار تازا بير بيلگي تاپيبلار اودا بوكي آنانين سوتو اوشاغي سينديريم بؤرونون خسته ليكلريندن و بؤغارساغين عفونتيندن قؤرويور.

تازا آختاريشلار آمريكا اولكه سينده دئيركي آنا سوتو اوشاغين بؤغارساغلاريندا باكتريلري ياراديركي بؤغارساغين ساغلام ايشلمئگينه و قؤروما سيستئمينين بؤيومگينه يارديم ائدير ، بو آختاريشين اونملي يئري بورداديركي دئير قورو سوت بو ايشي گؤره بولمور و اوشاغي خسته ليكلرين و عفونتلرين قاباغيندا قؤرويا بولمور .

كئچميش آختاريشلار گؤسترميشلركي آنانين سوتو ايسهالي ، آنفلونزاني ، تنفسي عفونتللري ، آلرژيني ، بيرينجي ديابتي ، اسكلروزي و آيري خسته ليكلرين گؤروشمه سيني اوشاخلاردا آزالدير .

بو يازيلا دوشونورَمكي هئچ عاغيللي آنا ئوز سوتونو اوتوروب و قورو سوت اوشاغينا وئرميئه جك.

يازينين داليسيني أوخوماسان أودوزوبسان

آروادلار هانسي تست لري وئرمليديلر؟؟؟

بو تست لر ياشا باغليديلار ياني هئر ياشدا بير سورو تست لر گركليديلر ايندي بير نئچه تستي ئويرنيريخ :

1-سوموك پوكالماسي :

اينسانين سوموكلري 30 ياشينا ياخين بَركيليب و 30-40 ياشاجان ئوز حاليندا قالار و بو ياشدان سؤنرا سوموكلر پوكالماغا باشلارلار آما بو پوكالماخ كيشي و آروادلاردا آيريدير و حتي آدامدان آداما فرق اليئير ، آروادلار آنا حاليندان دوشندن سونرا (يائسه) سوموكلرينين پوكالماسي يِِهين لَشَر چؤخلو سوموكلرين پوكالماسي سينماسيلا بيلينر ياني بوكي بو ياشدا آرواد بير ياواش ييخيلماغيلا سوموگو سينار بوناگؤره 50 ياشلي و بوندان يوخاري ياشلي آروادلارا سوموك پوكالما تستيني وئرمك گركليدير.

سوموك پوكالما سيناغي:

بو سيناخ سوموگون دؤلولوغونو (تراكم) و معدني موادينين آز چؤخلوغونو ئولچور ، بو سيناخ اليئه بولر سوموگون پوكالماسيني تئزليكله تاپيب و قاباغين آلا.

2-يوخاري قان باسقيسي (تانسيون= يوخاري فشارخون) :

ياش چؤخالدوخجا اينسانين قان باسقي توتماسي (فشار خون) آرتيرير و بو آرتيرمانين تئزگئجليغي اينسانين چَكيسينه (وزن) و ياشاماسينا باغليدير، قان باسقيسينين ياب ئونملي بولدورونمه سي (علامتي) گيزلي ئولماسيدير ياني بوكي قان باسقينين (فشار خونين) هئچ بير ئونملي بولدورونمَسي (علامتي) يؤخدور و سيز بيردن بيره گؤرَجكسيزكي آنوريسم (قان دامارلارين دووارينين شيشمه سي) توتوبسوز ، قان باسقيني هئي هئي (مرتب) ئولچمك بو گيزلين قالماسيني آرادان گؤتورر.

قان باسقيسيني ئولچمك :

سيز تكجه بير يؤلوز واردير اودا بودوركي قان باسقيزي هئي هئي باسقي ئولچه نيله ئولچه سيز ايندي اَير قان باسقيسي 80/120 دان آز ئولدو نورمالدير و اگر 90/140 دان چؤخ ئولدو سيزين قان باسقيز واردير .

........

يازينين داليسيني أوخوماسان أودوزوبسان

گون گؤزلوگونون ؤزه لليكلري (خصوصيات عينك آفتابي)

بو گونلر چوخ دَب ؤلوبدوركي هئر كيم يا توركوسي هئر يئريندن دوران ؤشاق بير گون گؤزلوگي (گون عينكي) تاخيب پُز وئرير آما بوآرادا چؤخ آز اينسانلار  تاپيلاركي بو گؤزلوكلاري بيليم اوزيله سئچيبدير و ايشلدير بوناگوره من بو يازينين يازماغيني گركلي بولدوم پس بيرليكده بو يازيني  بير داها اوخوياخ.

گؤزون گيله سي (مردمك) ايشيغين آزالماسي و چؤخالماسيندا گئنه ليب و دارالاجاخ و گون ايشيغينين گؤزون ايچينه گيرمسيني تنظيم ائدجك تا گؤزون شبكيه سيني يارالاميئا بو آرادا گون گؤزلوگي ايشيغين تنظيم ائدمسينده گؤزي يارديم ائدير و شبكيه نين يارالانماسينين قاباغيني آلير آما اگر گون گؤزلوگي دوزه مللي اولماسا بو يارديم اولونميئاجاخ ، گونون پيس ايشيغي ياني اوست مؤر ايشيغي (اشعه فرابنفش) گون چيخاندان 3 ساعات گئدندن تا 3 ساعات گون باتانا قالان هاوادا اولور.

هئر گون گؤزلوگون بير ؤزه لليكلري واردير كي بو يازيدا اونلاري ياديزا ساليرام :

1- ياخجي گون گؤزلوگي (گون عينكي) گرك UV400 اولا بو بير اوست مور ايشيقين (اشعه فرابنفش) اولچوسودور ، بو اولچو دزگاهيلا (UV اولچن) بولونر و سيز تكجه گؤزلوگون اوستونده بو ماركي گؤرمقيله آللانمائين UV اولچن دزگاه گرك بو اولچونو 98 ده ن يوخاري گوستره.

.....

.....

يازينين داليسيني أوخوماسان أودوزوبسان

5 تاپشيرما ديشلره گورا

ديشين قابيغي(ميناسي) بدنين ياب بَرك ماده سيدير اگر ديشين قابيغي سؤيولا ديش آرادان گئدر آما بو قابيغي ساخلاماخ راحاتدير تكجه منيم بو يازيمي ؤخوساز دوشونورَم سيز باشا دوشه سيز.

1-شكرلي ايچمه ليلري و يئمكلري آزالدين:

شكرلي ايچمه ليلرين و يئمكلرين قندي واردير و قند آغيزدا اسيد يارادير و اسيد ديشين قابيغيني(ميناسيني) يوموشاديب و يويور ؤرنك ؤچون شكر چؤبلري(آب نبات) كي چئينمه ليديلر ديشلرين قابيغينا(ميناسينا) ياپيشيب و قابيغي يِئير ، هئر بير بارداخ (ليوان) ايچمه لي (نوشابه) بير قاشيخ شكري واردير بونون يانيندا بو ايچمه ليده (نوشابه) اسيد سيتريك و اسيد فسفريك وارديركي ديشين چوروماغيني يِئهينلادير ايندي بو ايچمه ليلرين آديني قندسيز ايچمه لي (نوشابه بدون قند) قويسونلار يا هئر نَمَنه ، چؤخ فرق ائتمز.

يازينين داليسيني أوخوماسان أودوزوبسان

قان سيزام نئيلَئيم قانيم چوخالسين؟؟؟

اگر سيزده او اينسانلاردانسيزكي قانيز آزدير  و ايستيسيز قانيز چؤخالا منيم يازديغيمي اوخويون.

1- چاليشين هر يئددي گونده 3-4 تانه يومورتا يئيين  هئر بير يومورتا ييئنده يوزده 10(10%) گونده ليك ويتامين B12  ئيزي تامين ائديرسيز.

2- هئر يئديليكده (هئر هفته ده) آزي (حداقل) بير دفعه قيرميزي اَت يئيين بوناگوره كي قيرميزي اَت  ياخجي بير ىمير قايناقي (آهن) ساييلير و دمير اينسانين قانسيزليغينين قاباقين آلير.

3-دنيز يئمكلريني سوفرانيزا گتيرين ، باليق اَتي ؤزه لليكله آزاد و قيزيل آلا  باليغي B12 ويتامينيندن بؤلدور بيرده باليق اَتين امگا 3 ياغي واردي كي بير ؤوز ه ل  اسيد چرب ساييلير و بدنه خيري چؤخدور.

4- اگر  وْت جول (گياهخوار) سيز تاخيللاردان(غلات) يئيين بوناگوره كي بيرسيرا تاخيل لار وارديركي اِليه بولرلر آز چوخ اَت و باليغين يئمَمكليغينين اوستونو ئورتَلر.

5-كيشميش و قورو انجير چؤخ يئيين بوناگوره كي بونلاردا دَمير واردير بو سؤز ؤزه لليكله وْت جول لارا ياخجيدير.

6-اگر سيز قانسيزديز  ؤوزه ل بير دوكتورا باش وورون.

ؤياريجي(هشدار):

1-وْگونكي اَت و باليق يئمييبسيز بير بارداخ(ليوان) سوت ايشمَك بونلارين يئريني دؤلدوراجاخ.

2-مايا (مخمر) ألاندا گوزوز آچيق اولسون مايا سايم و قئيدالي(مغذي) اولسون.

3-هئرچان چاليشين بدنيز بَليرتي(علائم) گوسترمَميشدن ؤني دوا ائدين بوناگوره كي اينسانين بدني ؤ يئره جانكي يئري واردير بَليرتي گوسترمز ايستيرم بوني ديئمكي بنيزين وضعيتينه اوياخ ؤلون.

4-دوكتوروزيلا دانيشماميشدان قاباخ ، دمير مكمل لريندن ايستيفاده ائتمئين.

يازينين داليسيني أوخوماسان أودوزوبسان

                                      گوزه ل آنا ،ميهربان آنا :                                  

 اوشاقان ئوز سوتون وئر

چونكي تازا بيلگيلر دئيرلر:

آنانين سوتو اچ.آي.وي ويروسونو اوشاقلارين قانيندا ئولدورور.

اچ.آي.وي ،  ايدز خسته ليگين ويروسي دير كي  قان و قاندان آلينميشلاردان آيري اينسانا كوچورولور(انتقال تاپير) و اينسانين قوروما سيستميني(سيستم ايمني) گوجسوزلنديريب و ئوزونو گوسترير بو خسته ليگين درمان يولو دوزگون تاپيلمييب آما تازه ليكده آراشديريجيلار (محقق لر)  آنانين سوتونده بير ماده تاپيبلار كي اِلييه بولر بو ويروسي و سلول لاريكي بو ويروسي توتوبلار آرادان آپارا بو سوْنوج ايندي تكجه سيچانلاردا سيناغا (آزمايشه) چكيليب آما بولوجولر اومودلودولاركي اينساندادا بو ايش اولا.

بيليرسيزكي يوزده 15-ه (15%)  ياخين اوشاقلاريكي" اچ.آي.وي ويروس قانلاريندا اولان آنالاردان" دؤغولوبلار بو ويروسي آنالاريندان توتوبلار و اونمليديركي آنالار اوز سوتلارين اوشاقلارينا وئرمكيله اوشاقلارين اچ.آي.وي ويروسين قاباغيندا قورويالار.

بو سوْنوج هله ايشلاماغا يئري چوخدور  نييه كي بو عاميل اينساندا سيناقلانماييب آما تانري دييَن اولسا او گون يئتيره جاخكي اوشاقلار داها آنالاريندان بو ويروسي توتمييالار.

يازينين داليسيني أوخوماسان أودوزوبسان

آنالار دقت ائدسينلر!!!

اينَك سوتو كؤرپه اوشاقلارا ياخجي دئيل

اينَك سوتو ، يئمك باخيميندان كاسيب دير و آنانين سوتونون يئريني وئرمز بوناگوره آنالار دقتلي أولوب و اينَك سوتونو أوز سوتلرينين يئرينه اوشاقلارينا وئرمَسينلر.

زينيوز ، ‌"دبنات گودهوري" ده ن كي هند أولكه سينين عموم ساغليقينين باشچيسيدير(رئيس موسسه بهداشت وسلامت عمومي هند) بوجور چَكيت(گزارش) وئرير اينَك سوتونو اوشاقلارا وئرمك اونلاري دوزه مَللي يئمكدن اوزاق ائدير بوناگوره كي اينَك سوتو بؤل بؤل پروتئيني واردير كي كؤرپه اوشاقين بوتُولانماميش (نابالغ) بويركلرينه ضررليدير .

آراشديريجيلار(محقق لر) دئيرلركي آنالار اوشاقلارينا ئوز سوتلريني وئرسينلر و اگر بو إيشي گوره بيلميرلر دوكتورلاريلا بو بولومده دانيشسينلار.

بولوجولرين دئيشينا گوره اينَك سوتو ، قيدالئ (مغذي) باخيميندان اينسانين اوشاقينا چؤخ كاسيبدير أورنك أوچون اينَك سوتونون دميري آزدير و چونكي ايندي چؤخلي حيوانلارين يئمكلرينه آنتي بيوتيك ماده سي قاتيرلار اينك سوتونده آنتي بيوتيك و حتي بؤجَك أولدورن ماده سي(آفت كش) گوروشور بونون يانيندا آنانين سوتو دؤلودور قيدالئ (مغذي) ، ويتامينلر و معدني مواددان وآنتي باديلاردانكي كؤرپه اوشاقي خسته ليكلرين  و اسهالين قاباغيندا قورويور. 

بونو دئمَليگم كي اينك سوتو ياب ئونملي ريفلاكس (اوشاقين يئديگي قورساقيندان آغزينا گلمك) عامليدير.

يازينين داليسيني أوخوماسان أودوزوبسان

أوره گين دوشمانلاري

1-چاي ، قهوه ، الكلي ايچمه ليلر و تحريك ائدن يئمكلر و ادويه لر، بونلار اگر چؤخ يئيليب يا ايچيله لر أوره گه زهر كيمين بير إيشمه لي ساييلاجاخدير.

2-سينير لنمه(عصبانيت):سينيرلنمه بدني آماده ساخلايير بونا بنظركي سيز ساواشا گئديرسيز و دئيليركي بير دفعه سينيرلنمه 10 فنجان قهوه دن چؤخ ضررليدير.

3-بدني چؤخ زؤرا سالماخ : أورنك أوچون هيكل بويودنلرين أوره كلري زورا دوشوب بير چاغدان سؤنرا داها إيشليَينمزلر.

4- دوز :دوز چؤخ إيشلدمك و شؤر يئمك چؤخ يئمك أوره گي إيشدن سالار مخصوصا بو ساغدانكي شؤر يئمك قان باسيغي(فشار خون) گتيرر.

5- دخانيات :

جيغالا كي بير دخاني مواد دير اوره گين دامارلارينين توتولماسيندا و قان باسيغي(فشار خون)گتيرمكده أونملي  بير أويون أوينويور.

اوره گي قؤرو

يازينين داليسيني أوخوماسان أودوزوبسان

أوره گي گوجلنديرمه

أوره ك سئون يئمك لر نئدير؟

1-بال:

بال بير يئمكديركي أوره گه گوج وئريب و أونين إيشيني راحاتلادار.

2-ساريمساخ:

عضله و أوره گه گوج وئزيب و قاني دورولداجاخ ، قانين آخماسيني دوز ائدر.

3- بنووشه شربتي:

سويوخ و رطوبتلي يئرلرده أوره گين توتولماسيني و غششي آرادان آپارار آما چؤخ إيشمك أوره گين ضررينه دير ياخجيسي 5 مثقال گونده دير.

4-بيد مشك :

اوره گين و داماغين گوجلديب و باش آغريني كسر.

5-ديل أوتي (شربت گاو زبان)

أوره گه أوره ك وئر

يازينين داليسيني أوخوماسان أودوزوبسان

ديشلريمي نه جور يويوم؟

- ديشلريمي نييه گرك يويام؟؟؟

- ديشلريم خراب أولسون نه أولور ، آپاررام قؤندارما ديش گؤيارام ؟؟؟

- گؤندارما ديش قؤيماسام نه أولار ، من نئچه نفر تانيرامكي ديش سيز گئچينيرلر؟؟؟

و ...

مومكيندير سيزده منيم بو باشليغيمي گؤردوغوز چاغ بو سؤزلري أوزوزدن سوروشاسيز و بونلاري يانيتليياسيز ، آما من سيزدن ايستيرم تَلَسمييَه سيز(عجله إتمييه سيز) و سؤزلريمين داليسيني أوخويوب سونرا دوشونه سيز.

يازينين داليسيني أوخوماسان أودوزوبسان