كِريمه-كنگو قيزديرماسي

كيمليك:                                

بو مريضليك ويروسي(آربو ويروس-بونيا ويريده)دير و بوناگوره كي بيرينجي دَفه كريمه و كنگو شهرينده گؤرسَنيبدير،آديني كريمه-كنگو قيزديرماسي قويوبلار.

كئچمه يولي:

(بو مريضليك چؤخلو مال حيوان ساخلييانلاردا و خسته خانا ايشچيلَرده گؤرسنه بيلير)

1-گَنه نين سانجماغي

2-حيوانلاريلا اُوزلَشمه(تماس تاپما):حيوانلاري كَسمه زاماني مخصوصا قصابلاردا و مال و داوار ساخلييانلاردا چوخ گورسَنير و بيرده مريض حيوانين ترشحاتينا اَل وورماخ مريضليغي حيواندان اينسانا وئره بيلير.

3-خسته خانالاردادا: ايشچيلر مريض اينسانلاردان مريضليغي اُنلاريلا اُوزلشمَغيله آلا بيلَرلر.

بِليرتيلَر:

(بِليرتيلَر بيردَن بيره گؤرسَنه بيلَرلر)

1- قيزديرما(5-12 گون اُولا بيلير)

2- نارين قيرميزي جوشلار بَدَنين چؤخ يئرينده

3- يؤرقونلوخ

4- راحاتسيزليخ

5- بِئل،آياخ و باش آغريسي

6- آجسيزليخ(اشتهاسيزليخ)

ياييلماسي:

1383 ين آمارينا گوره بو مريضليك چوخلو سيستان و بلوچستاندا گورسَنير آما آيري بير شهرلَرده ده  اُورنك اُوچون فارس،تهران،خوزستان،گيلان،همدان،بوشهر گؤرسَنيبدير.

سؤن دِييملَر:

1-مريض اينسانلارين قاني و ترشحاتي چيركلي(آلوده)دير.

2-مال حيوان يانلاريندا اُلان زامان گؤزلَيين كي گَنه سيزي سانجماسين.

3-اگر بير زاماني مالدان داواردان كَسديز اَليزده يارا اُلسا اَلجَك گيرين چونكي حيوانين قانيندا و ترشحاتيندا ويروس واردير.

4-بو ويروس هاوادان اينساني مريض ائتمَز.