آروادلار هانسي تست لري وئرمليديلر؟؟؟

بو تست لر ياشا باغليديلار ياني هئر ياشدا بير سورو تست لر گركليديلر ايندي بير نئچه تستي ئويرنيريخ :

1-سوموك پوكالماسي :

اينسانين سوموكلري 30 ياشينا ياخين بَركيليب و 30-40 ياشاجان ئوز حاليندا قالار و بو ياشدان سؤنرا سوموكلر پوكالماغا باشلارلار آما بو پوكالماخ كيشي و آروادلاردا آيريدير و حتي آدامدان آداما فرق اليئير ، آروادلار آنا حاليندان دوشندن سونرا (يائسه) سوموكلرينين پوكالماسي يِِهين لَشَر چؤخلو سوموكلرين پوكالماسي سينماسيلا بيلينر ياني بوكي بو ياشدا آرواد بير ياواش ييخيلماغيلا سوموگو سينار بوناگؤره 50 ياشلي و بوندان يوخاري ياشلي آروادلارا سوموك پوكالما تستيني وئرمك گركليدير. 

سوموك پوكالما سيناغي:

بو سيناخ سوموگون دؤلولوغونو (تراكم) و معدني موادينين آز چؤخلوغونو ئولچور ، بو سيناخ اليئه بولر سوموگون پوكالماسيني تئزليكله تاپيب و قاباغين آلا. 

2-يوخاري قان باسقيسي (تانسيون= يوخاري فشارخون) : 

ياش چؤخالدوخجا اينسانين قان باسقي توتماسي (فشار خون) آرتيرير و بو آرتيرمانين تئزگئجليغي اينسانين چَكيسينه (وزن) و ياشاماسينا باغليدير، قان باسقيسينين ياب ئونملي بولدورونمه سي (علامتي) گيزلي ئولماسيدير ياني بوكي قان باسقينين (فشار خونين) هئچ بير ئونملي بولدورونمَسي (علامتي) يؤخدور و سيز بيردن بيره گؤرَجكسيزكي آنوريسم (قان دامارلارين دووارينين شيشمه سي) توتوبسوز ، قان باسقيني هئي هئي (مرتب) ئولچمك بو گيزلين قالماسيني آرادان گؤتورر. 

قان باسقيسيني ئولچمك : 

سيز تكجه بير يؤلوز واردير اودا بودوركي قان باسقيزي هئي هئي باسقي ئولچه نيله ئولچه سيز ايندي اَير قان باسقيسي 80/120 دان آز ئولدو نورمالدير و اگر 90/140 دان چؤخ ئولدو سيزين قان باسقيز واردير . 

3- يوخاري قان كلستولو : 

كلسترول نئچه جوره دير ياخجيسي (HDL) و قولايي (LDL) واردير ، قولاي كلسترول (LDL) دامارلارين توتولماسيندا (آترواسكلروز و تصلب شرائين) ئونملي اويونو واردي . 

آترواسكلروز كي همان دامارلارين پلاكيله (بَرك ماده) توتولماسينا دئيريك گئچديكجه دامارلاري اوقدر توتوب كي اوره ك سكته سي ياراداجاخ. 

آترواسكلروزون آيري يارادانلاريندان (ريسك فاكتور) قان باسقينين يوخاري ئولماغي ، ديابت يا شكر خسته ليئي و جيغالا چكمگي آد آپارماخ اولار ، ياشاماغي دئيشيب و تََرپَشيملي (تحركلي) الَمك و دوكتورون اَلينين آلتيندا تؤخداقلاري (داوالاري) آتماخ اوره ك خسته ليگينين يونگول لاشماسينا چؤخ يارديم ائدر. 

قانين ياغيني ئولچمك : 

قانين ياغيني ئولچمك اوچون گرك ناشتاو لابراتووارا (آزمايشگاه) گئديب قان وئره سيز بو سيناخ 20 ياشدان يوخاريلارا هئر 5 ايلدن بير آلينسا ياخجيدير . 

4- ايكينجي ديابت : 

ديابت خسته ليگي پانكراس (لوزالمعده) سلول لارينين دوز ايشله مَمَگيندن گلير و بيرينجي ديابت (بو ديايتده سلول لاريكي انسولين دوزَرديرلر قؤروما سيستميله (سيستم ايمني) آرادان آپاريرلار) و ايكينجي ديابته (بو ديابتده سلوللار ساغلامديرلار آما انسوليني ييغيب ايشلدميرلر) بؤلونورلر ايكينجي ديابت اينساندا اوره ك خسته ليئي ، سكته ، بؤيرك خسته ليئي ، كؤرلوخ و اينجه دامارلارين جيريلماسي ئوزه لليكله بؤيرك و بئين و گؤزون اينجه دامارلاري و سينير (عصب) يارالانماسي يارادير. 

اَير ديابت خسته ليئي تئزليكجه تانيلا اونون درماني و يان اتكيلرينين (عوارض جانبي) قاباغين آلماخ راحاتدير ئوزه لليكجه ورزش و آريخلاماخ و ساغلام يئمگيله و ...

ديابت تاپان سيناخ : 

بو سيناغي وئرمك اوچون گرك ناشتاو اولاسيز و 8 ساعت آجليخدان سؤنرا سيزدن قان آلينيب و سيناغا وئريلئجك ، ايندي اگر سيزين قانيزين قندي 126 دان يوخاري اولسا سيز ديابتي سيز و اَير 100-125 اولسا سيز اورتاداسيز اوندا سيز بير آيري سيناخ وئرمه ليسيز تا بيلينه كي سيزين ديابتيز واردير يا يؤخ. 

اَير سيزين ديابتيز يؤخدو هئر 3 ايلده بير دفعه بو سيناغي وئرمليسيز. 

5- ايدز خسته ليئي : 

ايدز (AIDS=acquired immune deficiency syndrome) اچ.آي.وي (HIV) ويروسونون بولوندوروجوسودير (علامتيدير) ياني بوكي قؤروما سيستئمينين باشارسيزليخ ويروسو (HIV=human immunodeficiency virus) اينسانين قانيندا يوواليياندان سؤنرا بير سورو بولوندوروجو (علامت) گؤرسَدَيركي بونلارين هاميسينا بير يئرده " AIDS " آدي وئريريخ بو ويروس اينسانين قانينا گيرندن 1-3 آي گئدنه قدر هئچ بير بولوندوروجوسو (علامتي) يوخودور مگر بوكي چؤخ گوجلو و باهالي سيناغلاريلا (آزمايشلاريلا) بو ويروسو تانيياخ بو خسته ليگين تانينميش بير درماني هله ليك يؤخدور و تكجه بو خسته ليگين قاباغا گئتمه گيني بير سورو تؤخداخلاريلا (داوالاريلا) دالييا سالماخ ئولار. 

ايدز خسته ليگين سيناخلاري : 

دئديمكي ايدز خسته ليگي نئچه آياجان ، كي بو نئچه هئر اينسانين قؤروما سيستئمينين قوجونه باغليدير گيزلينددير اَير ايستيرسيز بوله سيز ايدز ويروسي سيزين قانيزدا واردير يا يؤخ ، الايزا (ELISA) و EIA سيناغيني وئرمَليسيز ايندي اَير جوابيز مثبت ئولدو سيز بير داها گوجلو سيناغ BLOT آديندا وئرمليسيز تا آرخايين اولاسيز . 

6- گلوكوم خسته ليگي يا گؤزون قارا سويو : 

بو خسته ليگ اينسانين گؤزونون سينيرلاريني (اعصابيني) ياراليئيب و گئديكجه اينساني كؤر ائدر آما اَير گؤزون ايچينين باسقيسيني (فشاريني) ئولچوب كنترل ائده سن بونون قاباغيني آلماخ اولار ، گلوكوم خسته ليگي 60 ياشدان يوخاريلاردا ، استروئيدي تؤخداخ (داوا) آتانلاردا ، بو خسته ليگ عائله لرينده گؤرسننلرده و گؤز ياراسي توتانلاردا چؤخ گؤروشه جك. 

تاپشيريليركي هئر 2-4 ايلده بير دفعه 40 ياشدان آشاغي اينسانلار گؤزلرينين ايچَري باسقيسيني (فشاريني) ئولچسونلر .