گون گؤزلوگونون ؤزه لليكلري (خصوصيات عينك آفتابي)
بو گونلر چوخ دَب ؤلوبدوركي هئر كيم يا توركوسي هئر يئريندن دوران ؤشاق بير گون گؤزلوگي (گون عينكي) تاخيب پُز وئرير آما بوآرادا چؤخ آز اينسانلار تاپيلاركي بو گؤزلوكلاري بيليم اوزيله سئچيبدير و ايشلدير بوناگوره من بو يازينين يازماغيني گركلي بولدوم پس بيرليكده بو يازيني بير داها اوخوياخ.
گؤزون گيله سي (مردمك) ايشيغين آزالماسي و چؤخالماسيندا گئنه ليب و دارالاجاخ و گون ايشيغينين گؤزون ايچينه گيرمسيني تنظيم ائدجك تا گؤزون شبكيه سيني يارالاميئا بو آرادا گون گؤزلوگي ايشيغين تنظيم ائدمسينده گؤزي يارديم ائدير و شبكيه نين يارالانماسينين قاباغيني آلير آما اگر گون گؤزلوگي دوزه مللي اولماسا بو يارديم اولونميئاجاخ ، گونون پيس ايشيغي ياني اوست مؤر ايشيغي (اشعه فرابنفش) گون چيخاندان 3 ساعات گئدندن تا 3 ساعات گون باتانا قالان هاوادا اولور.
هئر گون گؤزلوگون بير ؤزه لليكلري واردير كي بو يازيدا اونلاري ياديزا ساليرام :
1- ياخجي گون گؤزلوگي (گون عينكي) گرك UV400 اولا بو بير اوست مور ايشيقين (اشعه فرابنفش) اولچوسودور ، بو اولچو دزگاهيلا (UV اولچن) بولونر و سيز تكجه گؤزلوگون اوستونده بو ماركي گؤرمقيله آللانمائين UV اولچن دزگاه گرك بو اولچونو 98 ده ن يوخاري گوستره.
2- ياخجي گؤزلوك گرك اينسانين قاشيندان ياناخلاريناجان ؤرته.
3- ياخجي و استاندارد گؤزلوكيله بير اتاقدا اولوب و نرمال ايشيغيلا آينايا باخساز گرك گوزوزون قره سيني گؤرموياسيز.
4-گون گؤزلوگون بوياسي گرك بؤز (خاكستري) يادا توت تؤپراق (قهوه اي) اولا اگر سيز اوشاقلاريزا گؤزلوك آليرسيز بو تاپشيريقي ؤنملي توتون بوناگوره كي اوشاقلارين گؤزي داها چؤخ گونه حساسدير.
5- استانداردسيز گؤزلوكلردن بيري پلاستيكدن يارانميش گؤزلوكلرديلر بو گؤزلوكلر بوناگوره كي اوجوزديلار چؤخ چؤخ آلينيب و ايشلنيرلر بو گؤزلوكلر اِشيئي اَيري گوستريرلر اگر ايستيرسيز بوني سيناغا چكه سيز بو گؤزلوكيله ميزين بوجاغينا يادا سراميكلرين قوشا جيزيخلارينا (خطوط صاف) باخين سونرا باشيزي آشاغي و يوخاري ائتمغيله بوني تسن ائدين باشيزي آشاغي ، يوخاري ائدنده گركبو جيزيخلار (خط لر) صاف گوروشه لر و ايري اويري گوروشميئه لر.
6- گؤزلوگون شوشه لري گرك پولاريزه اولالار ، بو شوشه لر گونون ايشيغيني سينديريب و ايشيغين دوز گوزه وورماغينين قاباغيني آلير ، گوزلوگون پولاريزه اولماغيني بولمك اوچون بير مخصوص فيلم واردير بوجوركي اگر بو فيلمي گؤزلوگون قاباغيندا 90 درجه فيرلاداسيز شوشه قارانديريخ اولاجاخ وؤزوندن بير ايشيق گئچيدميئه جك اگر بو فيرلاتماغي 180 درجيه ياخين آپاراسيز گورجك سيزكي ايشيغين يؤلي آچيليب و شوشه پارلاخ اولاجاخ ، گؤزلوك ساتانلارا گركليديلركي گؤزلوگو ساتاندا بو گؤرَوي گؤره لر.
7- گون گؤزلوگو رفلكسي اولماغي ياخجيدير.
8- گون گؤزلوگو گوجلو ايشيغا باخماغا ياراماز بوناگوره گون گؤزلوگيله جوش وورماغا ، آي باتماغا و قارلي يئره گئتمغه ياراميئاجاخ.
