ديشلريمي نه جور يويوم؟

- ديشلريمي نييه گرك يويام؟؟؟

- ديشلريم خراب أولسون نه أولور ، آپاررام قؤندارما ديش گؤيارام ؟؟؟

- گؤندارما ديش قؤيماسام نه أولار ، من نئچه نفر تانيرامكي ديش سيز گئچينيرلر؟؟؟

و ...

مومكيندير سيزده منيم بو باشليغيمي گؤردوغوز چاغ بو سؤزلري أوزوزدن سوروشاسيز و بونلاري يانيتليياسيز ، آما من سيزدن ايستيرم تَلَسمييَه سيز(عجله إتمييه سيز) و سؤزلريمين داليسيني أوخويوب سونرا دوشونه سيز.

نَدَنلر(علتلر):

1- تانريميز بيزلره 32 تانه ديش وئريب كي دائمي أولورلار أونا گوره ديشلريميزين سايي چوخ دئيل كي بيز سرسري توتاخ.

2- ياشاييشميزين باشلانيشندان قورتولوشونا إيكي دفعه ديش چيخارديريخ بيريسي آنادان

 أولاندان بير نئچه آي گئدندن(6 آيليقدان) باشلايير چيخماغا و بو ديشلر 6 ياشدان باشلايير تؤكولماغا تا 12 ياشا ، كي بو ديشلارا دِئيريخ سووت ديشلر بوناگوره كي بو ديشلرين عُمري چؤخ آز أولور ، بو ديشلر تؤكولندن سؤنرا بير سورو ديشلر باشلايير چيخماغا كي بو ديشلر أولَنه قدر بيزيله أولاجاخ.

3-دائمي ديشلر چيخاندان سؤنرا ، اگر بو ديشلر تؤكولسا داها بونلارين يئرينه بير آيري ديش چيخماياجاخ.

4-اگر يئمكلري ياخجي اَزيب ، پارچالاماساخ سينديريم بؤروموز(دستگاه گوارش) زؤرا دوشه جك مومكيندير قورساغيميز، بؤغارساغيميز يارالانا و...

5-اگر ديشلريميز تؤكولسا و آغزيميزدا ديشيميز أولماسا ، يئمگي ياخجي چئينييَن ميياجاييخ و اگر بو إيشي گؤرمَسك آغزيميزين توپورجگي(بزاق) تؤكولمويوب و إيچَريميزي كؤرلوياجاخ(بولورسوزكي توپورجك يئمگي چئينه مكله آغيزا توكولور).

6- اگر ديشيز أولماسا يئمكلرين داديني دوزه مَللي(ياب ياخجي) دوشونه بولميياجاكسيز.

7- اگر ديشلريميز تؤكولسا قؤرخمالي أولا بيليريك ياني ديشلر اينسانا گوزه ل ليك گتيريرلر.

و...

بو نئچه نَدَني كي سايديم و گئنه سايا بولرديم آما شاعير دئيركي :

آنلييانا بيرجه ميلچك سازدير    آنلامييانا ، زورنا قاوالدا آزدير

بو يازي إيكي بؤلومه بؤلونه جاك :

ديشلردن نه بولمَليئم:

هئر ديشين 5 أوزو واردير:ساغ أوزو ، سُل أوزو ، قاباخ ، دال ، أوست

ديشي تميزلمكده بو بئش أزو گرك تميز ائدسن يوخسا ديش چورويوب خاراب أولاجاخ ، بو بئش أوزدن أوچي فيرچا إيله تميز أولونار آما إيكي آوزو(ساغ و سُل أوزو) فيرچا تميز ائده بيلمز و أونلاري ديش إيپيله تميز إدمليئيك.

ايستگيميز ديشلري فيرچالاماقدا ؛ديشلرين آراسيندا قالميش يئمك پارچالاري و پلاكلاري آرادان آپارماقدير

اگر بيز إليه بولَك بو پلاك لاري كي ساري بوياقدا(رنگ) و ديشلرين أوستونده أوتوروبلار آرادان گؤتوراخ أوندا ديشلريميزين چوروماقي چؤخ آز أولاجاخ بوناگوره كي ميكروبيكي اينسانين آغزيندا وار اگر ديري قاليب و آغيزدا ياشاسا بو ساري پلاكلار ياراناجاخ و بو ميكروبي(استافيلوكوك) آرادان آپارماخ أولماز و تكجه إيشيكي گؤرماخ أولار بو ميكروبون يئمگيني اَليندن آلماخدير و بودا ديشي فيرچالاماخلا دوغرولانير پس گلين بيرليكده ديش فيرچالاماغين دوغروسوني بيرداها گؤزدن گئچيرده ك:

الف)فيرچا آلما :

- فيرچالارين بالا و بؤيوكي واردير بالا فيرچا چؤخلي أوشاقلار أوچوندير و بؤيوك فيرچا بؤيوك آداملاردان أوترو.

- فيرچالارين اَلليك لري(دسته لري) فرقليدير بعضي فيرچالارين اَلليكلري اَيريدير بو أوندان أوتروديركي فيرچا آغزين تَركينه چاتا بوله ، پس سيزده بوني گؤزده آلين و سئچيميزده بوجور فيرچالاردان سئچين.

- فيرچالارين فيرچالاريدا فرقليدير بعضيلري ديشلرينين هاميسي بير بؤيدادير آما بعضيسينين ديشلرينين آلچاق أوجاسي واردير ، ديشلرين آلچاق أوجاسي بوناگوره ديركي ديشين آلچاق-أوجاسينا و دال-قاباغينا يئتيره چونكي ديشين أوزو صاف دئيل و آلچاخ أوجاسي واردير ، لوطفا فيرچا آلاندا بونيدا گؤزدن گئچيرين بيرده بوكي فيرچانين ديشلري گرك نايلئندان و باشلاري يوموري أولا.

- فيرچا آلاندا يوموشاقيني سئچين بوناگوره كي لثه لر يوموشاقدير و فيرچا برك أولسا بونلاري يارالار و چاليشمايين ديشين ساريلاريني بو فيرچا إيله آپاراسيز ديشين ساريلاري چؤخ بركديلر و گرك ديش دوكتورونا گئده سيز.

-هئر فيرچا 3-4 آيدان آرتيق إيشله مَز و بو زاماندان سونرا گرك دئيشيله.

ب)ديش خميري آلماق:

-گرك بير ديش خميري آلاسيزكي فلورايدي أولا فلورايد بير ماده ديركي ديشين بركيمه سينده و ميكروبلارين بؤيومَمَسينده اتكيسي واردير و ديش خميري آلاندا بو تبليغاتيله كي دئير أوچ بوياقليدير يا ايكي بوياقليدير و.. آللانمايين بوناگوره كي هئچ اتكيسي ديشين يوماسيندا يؤخدور و تكجه روحي رواني اتكيسي أولا بيلير.

- اگر بير چاغي ديش خميري تاپانماديز سو إيله ديشلريزي يويون و ديش خميرين يئرينه دوز يا جوش شيرين يا... إيشلدمئين.

- ديش خميري إيلي أولسا ياخجي أولار اينسانين كونلونو فيرچالاماغا آرتيرار.

 ديشلريمي نه جور يويوم؟

ياخجيسي بودوركي ايلك دفعه ديشلريزه أيپ چكيب سونرا ديشلريزي فيرچا إيله يوياسيز أونا گوره من باشدا إيپ چكمگي و سونرا ديش يوماغي دئيرم.

ج) ديش إيپي چكمه:

1-بير تانه ديش إيپي آلماليسيزكي إيپلرينه فلورايد ياخيلميش أولا.

2-ديش إيپيندن 50 سانت إيپ كسين اگر بوندان بيرآز آز أولسادا عيبي يوخدور.

3-ديش إيپينين ايكي أوجونو بيربيرينه باغلايين و بو شكيله بنظر إيكي بارماقلاريزين آراسينا سالين بوجور ديش إيپيني آز إيشلدرسيز و ياخجي تميز ائدرسيز.

4-ديش إيپيني ياواشجا ديشلرين آراسينا چكين و هئر چكندن سونرا ديش إيپينين بير آز قاباقا آپارين تا إيپين تازا يئري إيشلنه ، إيپي چكنده گوزله ئين لثه لريزي يارالامايين.

5-اگر ديش إيپيني چكنده گؤردوز ديش إيپي هئي هئي قيريلير بولون ديشيزين أوراسي خرابدير يا سينيبدير.

6-هئر سورو ديشلري إيپ چكنده سؤنداكي ديشين داليسينادا إيپ چكمگي ياددان چيخارمايين.

7- ديش إيپينين يئرينه آيري بير إيپ يا سنجاق يا كيبريت چؤپو و... إيشلدمئين چونكي ديش إيپي إيپكدندير و أوستونه فلورايد ياخيليب.

چ) فيرچالاما :

1- آغزيزا بيرآز سو آلين و فيرچازي سوإيله يويون سونرا نخودجا فيرچازا ديش خميري ياخين.

2- ديشلرين أوزو:

ديشلرين بو أوزونو يوماق أوچون گرك فيرچاني 45 درجه  زاويه إيله توتوب و ديشلرين أوستونه قاباق-دال إله مكيله چكه سيز بو إيشي نئچه دفعه گؤرون تا ديشلرين بو أوزو تميز أولسون.

3-ديشلرين  دال أوزو:

بو أوزوده قاباق أوزه بنظر يوماليسيز ياني بير 45 درجه زاويه توتوب و يويون آما چؤخ دقت ائدين چونكي ديشلرين بو أوزونو سيز گؤرومورسوز  قاباقداكي ديشلرين داليني يوماق أوچونده فيرچاني باش آشاغي توتماليسيز.

4-ديشلرين أوستو :

بو أوزو يوماق أوچون فيرچاني ديشلرين أوستونه قؤيوب و دال-قاباقا آپارماغيلا يويون.

5-ديشلريم هئر أوزونو يوياندا فيرچاني بير آز باسين تا فيرچانين ديشلري ديشين آلچاق-أوجاسيني يوسون.

6- دوكتورلار هئر ديش يوماقين 5- 7 دقيقه چكمسيني ياخجي بولورلَر.

7-سوندا ديليزين أوستونه دالدان-قاباقا فيرچا چكين تا تميز أولا چونكي ديلين أوستوندا ميكروب واردير.

سؤن سوزلر:

1-   اگر ديشلريزده ساري لكه لر گؤروشور بير ديش دوكتورونا گئدين تا ديشلريزين جرميني آلسين.

2-   اگر ديشلريزده خراب أولان واردير تئز أوني دئرمان ائدين تا بو ديشين خرابليقي أو بيري ديشلره كئچمسين و بيرده خرجيز آز أولسين.

3-   ديش دوكتورون ديش چكمه وسايلينين استريل (ميكروبلاري بوتون أولدورولموش أولماسي) أولماسي گركليدير بوناگوره كي بير پارا خسته ليكلركي قاندان بير اينساندان آو بيري آينسانا كؤچرلر بو وسايليله كؤچه بولرلر.

ديشلريزه و جانيزا ساغليق آرزولائيرام.