دئيرلر: قليانين كؤتو سؤنوجو (ضرري) يؤخدور!!!

سيز نه دئيرسيز؟؟؟

اَير قليان چكن اينسانلارين آراسينا گئدسن دئيرلر قليانين توستوسو سويون ايچيندن گئچير اونا گؤره سو كؤتو (ضررلي) موادين آلير آما بولونكي بو تكجه بير يانليش (اشتباه) سؤز دير ، قليانين توستوسو سودان گئچندن سؤنرا كؤتو (ضررلي) موادلاردان دؤلودور  اورنك اوچون مونوكسيدكربن (CO2) ، آغير دميرلر و چؤراغ (اينساني چورودن بير شيئ=سرطان) گتيرن موادلار و قليانين توستوسو چؤخلي خسته ليكلر يارادير كي اورنك (ميثال) اوچون دؤداخ و آغيز و قورساخ (معده) و قورساخ يؤلو (مري) چؤراغي (سرطاني) و بيرده پانكراس (لوزالمعده) و قاراجيگر و قالين بؤغارساخ چؤراغيني و آد آپارماخ اولار بو كؤتو سؤنوجلارين (ضررلرين) يانيندا اينسانين پيس بير قؤخو آغزيندان گلمه سي و ديشلرين سارالماسي و قورساخ ريفلاكسي (آسيد قورساخدان آغيزا گلمه سي)ياب آز كؤتو سوونوجلارينداندير.

قديم دوشونجه لره باخميياراخ كي دئيرديلر قليانين توستوسو سودان گئچمه سينه گؤرا كؤتو سؤنوجسوزدور (ضررسيزدير) نييه كي ايندي لابراتووارلار (آزمايشگاه) گؤرسَديبلركي قليانين توستوسو حتي سودان كئچندن سؤنرا كؤتو مواددان دؤلودور و قليانين توستوسو ياب اونملي آغ جيگر چؤراغي (سرطاني) و اوره ك-دامار خسته ليكلري يارادانلاردان ساييلير بونا گرك قليانين معتاد اِلمه خاصيتيني آرتيراخ ياني بوكي سيز اَير قليان چكمگه باشلاساز هِئي هِئي بِينيزه ووراجاخ گئديب بير داها چكئسيز.

تازا آختاريشلار گوزه لليكله ايراندا بوني گؤرسَديبلركي قليان و بنگ (بير پيپ ماري جووانا چكمك اوچون) سيگارجا آغ جيگره كؤتو سؤنوجلودور (ضررليدير) و هئر ايكيسنده اوسكورمه ، نَفَس آغيرليغي (تنگي نفس) و خس خس سسي نفس آلاندا گؤروشوب.

بو آختاريشلارين بيريسي بو سؤنوجا يئتيريب:

اوچ بؤلك (گروه) اينسان سئچيليب:

1-قليان چكنلر:57 نفر

2-جيغالا (سيگار) چكنلريكي توستونو ياب چؤخ آغ جيگرلرينه آپاريرلار :30 نفر

3-جيغالا چكنلريكي عادي چكيرلر :51 نفر

4-جيغالا چكميرلر:44 نفر

آختاريش بونو گؤرسترديلر:

خس خس سسي : يوزده 23 (23%) بيرينجي بؤلكدن (گروه) ، يوزده 30 (30%) ايكينجي بؤلكدن ، يوزده 22 (22%) اوچونجي بؤلكدن ، يوزده 9 (9%) دؤردونجي بؤلكدن.

نفس آغيرليغي (تنگي نفس):

يوزده 37 (37%) بيرينجي بؤلكدن ، يوزده 40 (40%) ايكينجي بؤلكدن ، يوزده 29 (29%) اوچونجي بؤلكدن ، يوزده 13 (13%) دؤردونجي بؤلكدن .

اوسگورمه :

يوزده 21 (21%) بيرينجي بؤلكدن ، يوزده 37 ايكينجي بؤلكدن ، يوزده 20 ايكينجي بؤلكدن ، يوزده 7 (7%) دؤردونجي بؤلكدن .

نئجه كي سيزده گؤرورسوز بو آختاريش جيغالا (سيگار) و قليانين اتگيسيني (اثريني) اينساندا بؤلوندورور.

سؤن تاپشيرما:

جيغالا (سيگار) و قليان يوزده يوز اينسانا كؤتو سؤنوجلاري واردير ، شايد تئزليكجه اتكيسيني گؤسترميئه ، آما بير شيئ ديركي تئز گئجي واردير آما يانديسي يؤخدور.

يازينين داليسيني أوخوماسان أودوزوبسان

آنتن لريكي ئولومو ياييل لار؟

14 ميندن چؤخ ايرانين باشا باشيندا جيب تلفن (موبايل) و مخابراتي آنتني واردير بو آنتنلر دوردوغو حالدا كؤتو سؤنوجسوزديلار (ضررسيزديلر) آما اَير بير اينسان چؤخ زامان بونلارين يانيندا ياشيئا يا بو آنتنلر ائوينين يانيدا اولا چؤخ چؤخ كؤتوسؤنوجلي (ضررلي) اولا بولرلر .

ساغليخ بؤلومونده اولان ايش بولنلر و اوزمانلار (متخصص لر) بويرورلاركي بو آنتنلر و مخابراتي دكل لر او اينسانلارين ساغليغيناكي بونلارين يانيندا اوزون سوره ياشيئيرلار كؤتو سؤنوجلاري (ضررلري) واردير گؤزه لليكله آتاغلاردا (نئچه قاتلي تيكيلميش تيكينتيلر=آپارتمانلار) كي بعضي زامان گؤروشور اينسانين ياتاخ يئرينه چؤخ ياخينديلار.

بو كؤتوسؤنوجلاردان (ضررلردن) قؤروما سيستئمين گوجسوزلنديرمه سي (تضعيف سيستم ايمني) ، سؤنسوزلوغو (ناباروري) كيشيلرده چؤخالتماخ ، آلزايمر و پاركينسون خسته ليگي گتيرمك ، سينير (عصب) خسته ليكلري گتيرمك ، گؤز و باشي آغريدماخ و آجسيزليغديرماغي (اشتهاسيزليخ) آد آپارماخ اولار.

بو آنتنلرين اتگيسينه (اثري) بو بَسكي چؤخلو گوش و اوچان حيوانلار بو آنتنلرين ياخينينا دوشمويوب و حتي ؤ شهرلرده كي بو آنتنلرين سايي چؤخ آرتيريب هئچ بير گوش گؤروشمور اورنك اوچون تهراندا گوشلارين ياريسي كؤچوبلر.

بوناگوره تهرانين شهر شوراسي بير ئونَري (اونجه دن حاضيرلانميش بير شيئ=لايحه) بئيندي (تصويب ائتدي) كي بو آنتن و دكل لرين قؤشماسينا ، قؤشان شركت گرك مجوّز آلا و بوجورليغيلا سؤي داشلارين خياليني بير آزجا راحات ائتدي آما ايندي بو لايحه نجور يئرينه گتيريله زامان ديئر.

آما سيز مندن بو تاپشيرماني قبول ائدين و اَير جان ساغليغي ايستيرسيز بو دكل لرين يانيندا و آلتيندا ياشامايين.

يازينين داليسيني أوخوماسان أودوزوبسان

آنانين سوتو بؤغارساخ عفونتينين قاباغيني آلير.

آختارانلار تازا بير بيلگي تاپيبلار اودا بوكي آنانين سوتو اوشاغي سينديريم بؤرونون خسته ليكلريندن و بؤغارساغين عفونتيندن قؤرويور.

تازا آختاريشلار آمريكا اولكه سينده دئيركي آنا سوتو اوشاغين بؤغارساغلاريندا باكتريلري ياراديركي بؤغارساغين ساغلام ايشلمئگينه و قؤروما سيستئمينين بؤيومگينه يارديم ائدير ، بو آختاريشين اونملي يئري بورداديركي دئير قورو سوت بو ايشي گؤره بولمور و اوشاغي خسته ليكلرين و عفونتلرين قاباغيندا قؤرويا بولمور .

كئچميش آختاريشلار گؤسترميشلركي آنانين سوتو ايسهالي ، آنفلونزاني ، تنفسي عفونتللري ، آلرژيني ، بيرينجي ديابتي ، اسكلروزي و آيري خسته ليكلرين گؤروشمه سيني اوشاخلاردا آزالدير .

بو يازيلا دوشونورَمكي هئچ عاغيللي آنا ئوز سوتونو اوتوروب و قورو سوت اوشاغينا وئرميئه جك.

يازينين داليسيني أوخوماسان أودوزوبسان

دارچين گؤزه لليكلري (خاصيت)

يازي قايناغي : كيهان گونده ليگي

ديلمانج : ساوالان

دارچين بير آلچاخ بؤي (قد) آغاج آديدير بؤيي 5-7 متره ياخين اولور كي هئر چاغ (هئر زامان) يام ياشيل دير و هئر ساغيندان گؤزه ل بير قؤخو قاوزانير دارچينين چيچكلري دؤنداران (بهمن) آييندان آغلار گولر (فروردين) آيينا قدر گؤروشور و چيچكلرينين بؤياسي (رنگي) آغ دير .

دارچينين چؤخلي گؤزه لليكلري وارديركي بوردا بير آزين ساييرام:

1- دارچينين " ؤُووندوران (آرام اليئن) و سئوينديرن (شادليخ گتيرن) " اتكيسي واردير و ؤووندوران تؤخداخلارين قاباغيندا ايكي قات گؤجلودور.

2- دارچين اينساني گنج (جوان) ساخلار.

3- دارچين بؤيرگي (كليه) ايستي ساخلائيب و بئلين و آياخلارين گؤجسوزلوغونو پؤزار و قانسيزليغي آرادان آپارار.

4- دارچين اَت (عضله) آغريلارينا درماندير و تازه ليكده گوزئي (شمالي) آمريكادا و كانادادا ياغي دوزه لديبلركي دارچين اونون اونملي بؤلوملريندندير.

5- قيزديرماني كسمَك دارچينين آيري گؤزه لليگيدير و بوناگؤره بوجور بير تؤخداخ (داوا) دوزرديبلر يا سيز اليئه بولرسيز بير فينجان دارچين چايي ايشمقيله قيزديرمازي (تب) اينديره سيز.

6- دارچين قانين دامارلاردا آخماسينا يارديم ائدر.

7- دارچينين بير آيري گؤزه لليگي (خاصيتي) قؤروما سيستئميني (سيستم ايمني) گوجلنديرمكدير ، دارچينين گوجي بو بؤلومده پني سيلينيله برابرليك اِيليئير .

اَير دوشونورسوزكي خسته اولوبسوز يا اولاجاخسيز بير فنجان دارچين چاييني ياددان چيخارمائين.

اينگيليس بولوجولرينين بيري دؤققوزومجي يوز ايلينده (قرن 9) بير كيتابدا بويروركي دارچين قؤرساغي (معده) تميز ائديب ؤُووندوب (آرام ائديب) و گوجلنديرر ايندي اَير سيزين قؤرساخ (معده) راحاتسيزليغيز واردير نيئه دوروب منه باخيرسيز ؟!!

هئچ اولماسا دارچين چاييني خؤش قؤخولو و ايشملي اولماغينا گؤره قؤهوم ، قؤنشو و سؤي داش و يؤلداشلاريزا تعارف ائديب و ايچديرين و يادينيزدا قالسينكي :

ساغليقي قؤروماخ درماندان چؤخ چؤخ .... قاباخدير.

يازينين داليسيني أوخوماسان أودوزوبسان

من اوره ك خسته ليگي توتاجام؟!!

يازار: دكتر بهروز هاشمي (جام جم)

ديلمانج : ساوالان

دونيانين باشاباشيندا اوره ك خسته ليگينين گؤرونمه سي چؤخالير و بو گؤروشمه گنج لره (جوانلارا) سايي گلير بيزيم اولكه ميزده دونيايا بنظردير ، ايندي اوره ك خسته ليكلري ئوزه لليكجه اوره ك سكته سي ياب ؤنملي اولوم و ايشدن سالما ندنلردندير (عامللردندير) گلين بو بالاجا يازيدا بوناگؤره اويرنك .

نيئه اوره ك سكته سي گؤروشور :

سكته ، بير عضوا قان يئتيرممزليخدن گلير (اورنك اوچون اوره گين داماري اوره گه قان يئتيرمير و اوره گين بير بؤلومو ايشدن دوشور) و دامارلارا قان يئتير ممزليخ ، دامارلارين توتولماسيندان باش وئرير ، آما دامارلار نيئه توتولور؟

دامارلارين توتولماسينا عربجه تصلب شرائين دئيلير و انگليزجه سيده آترواسكلورزيس اولور توركجه سيده "دامار توتولماسي" ، دامارين توتولماسي ياغين (پلاك) ييغيشماسيندان گلير ياني بوكي اينسان يا چؤخ ياغلي يئمك يئير يادا اوقدر آز تَرپَشيركي ياغ قارنينا ييغيشيب و ياواش ياواش دامارلاريندا يئر آليب و دامارلاري توتور (سؤزسوزكي بو بؤلوم دوشونَكلي اولماغا ساده جه دئيلدي).

نَلَر دامارلاري بَركيدير؟

نئچه نَدن دامارلاري بَركيده بولر:

1- جيغالا و قليان چكمك :

 ؤنملي ندنلردن بيريديركي گون به گون گنجلريميز (جوانلاريميز) بو يؤلا چكيليرلر ، آللانمائينكي قليانين توستوسي سودان گئچير و زهرلي ماده سي آلينير ، سويون اتكيسي (اثري) اولموش اولسادا چؤخ آز اولار و قليانين ضررلي ماده سي جيغالادان داهادا آرتيقدير.

2- يوخاري قان باسقيسي (يوخاري فشار خون) :

بو نَدن (علت) بوناگوره كي جيغالا و اوره ك-دامار خسته ليكلريله و ايكينجي شكر خسته ليگيله دوز به دوز (مستقيم) آراسي وار داهادا گؤزلمه ليدير ، هِئي هِئي (مرتب و منظم) قان باسقيزي اولچون و اَير قان باسقيز 80/140 دَن يوخارييا قالخدي كسينليكجه دكتورا گئدين سيز باخيم آلتيندا اولماليسيز (تحت نظر).

3- قانين ياغي :

قاندا ايكي جورا ياغ واردير :

الف) ياخجي ياغ كي اچ.دي.اِل (HDL=high dose lipoprotein) آديلا تانيلير بو دامارلارين توتولماسينين قاباغيني آلير و گرك بونون اولچوسو قاندا 35  دَن آرتيخ اولا يؤخسا ايشه ياراماز و اَير 60 دان يوخاري اولسا ياب گؤزَلدير.

ب) ايكينجي ياغ قؤلاي ياغدير بو ياغلار نئچه جورادير كي ياب قؤلايي اِل.دي.اِل (LDL=low dose lipoprotein) آديلا تانيلير بو ياغين يوخاري اولماغي قؤرخماليدير.

4- كؤكلوخ و تَرپَشممزليخ (بي تحركي):

بو گونلر كؤكَلمق چؤخ راحاتدير نييه كي ايشلر چؤخ راحات اولوبدور شهر ياشاماغي اينساني كؤك ائدير ، ايندي داها قديم زامانكيمين كرتيوار چكمك يؤخدور هئر زادين حاضيريسي واردير و.... آما بو آرادا آريقلاماخ چؤخ چتيندير چؤنكي گرك تئر (عرق) تؤكوب ياغ يانديراسان ، پس چاليشين چكيز نرمال قالسين ، چكينين آرتيرماغي اينساني ديابت ، ياغ خسته ليگي و اوره ك خسته ليكلرينه ياخينلادير.

ساغليقي قؤروماخ درماندان قاباخدير.

يازينين داليسيني أوخوماسان أودوزوبسان

دادلي قند ياخجي يا قؤلاي؟!!

بو زمانه ده هئر زاد تاپماخ اولار حتي تؤيوخ سوتو يا آدام جاني ، فرق اله مز هئر بير شيئ كي اينسانا پول گتيره ، اونملي دئيلكي اينسانا ضرري واردير يا خئيرليدير.

بو گونلر بازاردا بؤياخلي ودادلي قند گؤروشور و من بوناگؤره بو يازيني يازديمكي يازديخلاريمي اوخويانلاري بير آزجا اويادام.

بو قندلر نئچه جوره گؤروشور: قيرميزي ، ساري ، ياشيل ، گؤي و ... و زعفراني ، دارچيني ، خورما و نعنا دادي آديلا.

بو دادلي قندلرين سايي و دادي بلكه داها آرتيرا ، بو قندلري تؤكنلر دئيرلركي هئچ بير شيميايي ماده قاتميرلار بلكه ده دوز دئيرلر آما ايله كي اَل چؤخالدو داها هئچ كيم كسينليكجه ديئه بولمزكي شيميايي مواد بونلارا قاتيلير يا يؤخ حتي ساغليخ گؤزتچيلر (مامورين بهداشتي) ، ئونمليسي بورداديركي بو زمانه ده هئر اينسان ايستَر ايستئمز شيميايي موادي يئمكلردن آلير نيئه كي حاضيرلانميش يئمليلر اوقدر چؤخاليبلاركي هئچ كيم كنترل ائده بيلمز ايندي داها قديم زامان دئيلكي كندده ياشيياخ ، چؤره گي تنديرده ئوز اليميزيله ياپاخ ، يئميشي باغيميزدان گتيرخ و... هئر زاد بازاردان آلينير و كيمسه ده حوصله قالميئيب.

 بولوروخكي قند بينه (چوغوندور) و شكر قئميشيندن (ني شكر) دوزَلير و قنديده ساكاروز دير ايندي اَير سيز قندي آغ گؤرسز بو قندين تكجه ساكاروزي واردير آما اَير بؤيالي اولسا بولونكي بير اسانس يا بير شيميايي ماده بونا وورولوبدور.

دادلي قندلر نئچه باخيمدان محكوم ديلار :

1- بوياخلي قندلر چونكي بويالي و آدامي آجديرانديرلار (اشتهاآور) اينساني بو قندلري چؤخ يئمگه چاليشديريرلار (تحريك ائديرلر).

2- بوناگؤره كي بو قندلره اسانس قاتيرلار قارا جيگره (كبد) و بؤيرگه ضررليديلر چونكي بو ايكي عضو سم لري قاندان آليرلار.

3- بو قندلره قاتميش موادلار مومكيندير گپ (تقلبي) اولوب و داها ضررلي اولالار.

 خورمالي رژيمي قند :

 بو قندلرين رژيمي خاصيتلري يوخدور و اَير بو آديلا يايلير تكجه موشتري ييغماخ اوچوندور بعضيلر بو دادلي بؤيالي قندلري خورمالي و رژيمي آديلا ساتيرلار كي كسينليكجه گَپ (تقلبي) ديلار بوناگؤره كي خورمانين قندي گلوكز و فروكتوز دير و آغ قندده اولان ساكاروز ماده سينين تَرسينه (برعكسينه) هئچ واقت كريستالي اولماز پس دئمك اولاركي اَير بير نفرده خورماني قند قيليغيندا (مكعبي) چيخاردا بولسه هئچ واقت كريستالي اولميئاجاخ و دورو اولاجاخ سؤنوج بو اولاركي بو قندلره آللانمائين.

تاپشيرما:

 دادلي بؤيالي قندلري ايشلدمئين ، هئچ اولماسا آز ايشلدين.

ساغ قالين شاد ياشائين ، تارينين اَتگينده

يازينين داليسيني أوخوماسان أودوزوبسان

آپانديسيت يا آپانديس شيشي

آپانديس نه دير؟

بولورسوز نه ايش گؤرور؟

پاتلاسا نه ئولار؟

....

آپانديس بير نازيك بؤر (لوله) بؤيوك (يؤغون) بؤغارساغين تَركينده دير كي كؤر بؤغارساخدا دئيلير بير اَلدن يؤغون بؤغارساغا ياپيشير و بير اَلدن توتوخدير، بوكي آپانديس نه ايشه يارار و نه اوچون يارانيبدير هئچ كيم كسينليكله بولمور بير ساي بولوجولر اوني ئوت-ييئن حيوانلاردان قالميش عضو بولورلر و دئيرلركي بو حيوانلاردا آپانديسين ايشي واريدير آما اينسانلاردا ايشين اَلدن وئريبدير بيرساي بولوجولرده دئيرلركي آپانديس اوشاقليقدا ايشليردي و بويوكلوكده هئچ بير ايشي يؤخدور بير ساي بولوجولرده دئيرلركي آپانديس بؤغارساغا باغلي باكتريلري يارادير و بو باكتريلري ايشلريني گؤرمكده يارديم ائدير ، ايندييا قدر هئچ بير درمان يولو آپانديسين شيشيب پاتلاماسينا تاپيلميئيب و تكجه يؤل آغريئان زامان تئزليكجه اوني چيخارماخدير ، آپانديسين شيشمه سي آغالاردا خانيملاردان چؤخدور بيرده آپانديسيت سؤتول اوشاخلاردا (نوجوان) و 20 ياشا ياخين اوغلانلاردا چؤخ گؤروشور.

آپانديسيت ; آپانديسين شيشمه سينه دئيريخ آپانديسين شيشمه سي اوشاخلاردا آز اولار آما پاتلاماسي اوشاخلاردا بؤيوكلردن قؤرخماليدير ، آغريسي باشلاناندان هئر نه قدر تئز دوكتورا گئدسز اوقدر ياخجيدير يؤخسا يان اتكيسي (عوارضي) آرتيراجاخ .

آپانديس آغريسي قاريندان و قؤبَكدن (ناف) ياواش ياواش باشلائيب و آشاغيئا گئدجك و آپانديسين يانيندا آغري دوراجاخ ، آغري اوسگورمقيله ، آسقيرماغيله ، اَل وورماغيلا و يؤل گئديب نفس آلماغيلا چؤخالاجاخ بير ساي اينسانلاردا اوره ك قالخماغيلا ، قوسماغيلا و قيزديرماغيلا و گَئيمَمَزليغييلا (ناتواني در دفع گاز معده) بو آغريني بولورلر.

بو آغري باشلاماغيلا سيزين دؤرد بئش ساعات وقتيز وار ئوزونوزو دوكتورا يئتيرَسيز يوخسا آپانديسيز پاتلاييب و آپانديسين ايچينده زهرلي ماده قارنيزا دؤلوب و باش آغري ، گيجلمه ، قيزديرما و هوشوزو الدن وئريب حتي اولوم ايمكاني واردير .

آپانديسين شيشماسينين تكجه درماني اوني چيخارتماخدير كي يا لاپاراسكؤپي اولاجاخ يا آچيخ عَمَل.

آپانديس آغريسينين تاپماسي آروادلاردا و كؤك اينسانلاردا چتيندير ئوناگوره بو اينسانلار چؤخ دقّتلي اولسونلار.

يازينين داليسيني أوخوماسان أودوزوبسان

ئؤز باشينا (خود سرانه) تؤخداق (داوا) آتما ايراندا 3 قات دونيادان آرتيخدير؟!!

ساغليق ، تانرينين ياب بؤيوك وئرديگي (نعمت) اينسانلارادير و ساغلام اينسان هئر اولكه نين وارليغيدير ، بو آرادا هئر اينسانين گورَويديركي ساغليغيني قؤرويا .

هئر ؤلكه ده اينسانلاري بِئجريليركي دوكتور آدلانير بو ؤيرنجيلر 6-7 ايل بيليم يوردلاريندا بيلگي ؤيرنيرلر و سونوندا ايشلري خسته اينسانلارين درمانيدير ، سن و من بير ايكي كيتاب ؤخوماغيلا  بو 6-7 ايلي جبران ائده بيلمريخ.

ايراندا ؤوز باشينا توخداق (داوا) آتماخ داها بير دَب اولوبدور بو ايشين بير نَدني (علتي) دوكتورلارين گؤروش پولينين باهالي اولماغي ئولابولَر ، آيريسي بعضي دوكتورلارين باشاريخسيزليغي (بي مهارتي) ئولا بولَر كي ملتين باخيشيني دوكتورلارا كؤرلويوبلار و ...

ايندي بو دوروم (وضعيت) بير يئره يئتيريبكي ايران دونيادا اؤ 20 تانه ؤلكه لردنديركي ياب چؤخ تؤخداق(داوا) آتيرلار و آسيا قيتاسيندا (قاره سينده) ايكينجي ؤلكه ؤلوبدور بو بير اويانيش چالقيسيدير كي اويانيب و ؤوزوموزه قاييداخ.

هئر ايرانلي ايلده 340 آ ياخين توخداخ (داوا) آتير و بو ساي دونيانين ؤلگوموندان (استاندارديندان) يوخاريدير ، سايقالار (آمارلار) دئيركي ايرانليلار يوزده 40 (40٪)  ؤوزباشينا تؤخداخ (داوا) آتيرلار و ايرانليلارين ؤوزباشينا تؤخداخ آتماسي 3 قات دونيادان آرتيخدير بو دوروم ايران ؤلكه سينه چؤخلو اقتصادي ضرري يئتيرير بيرده اينسانلارا جسمي ضرري وئرير ، بير پارا تؤخداخلاردا (داوا) وارديركي اَير  ئولچوسوجا و وقتينده آتيلميئا داها ؤ تؤخداخ كَسَرلي ئولميئاجاخ يادا كَسَري آزالاجاخ.

ساغ قالين شاد ياشايين تؤخداخلاردان اوزاخ گئزين

يازينين داليسيني أوخوماسان أودوزوبسان

آروادلار هانسي تست لري وئرمليديلر؟؟؟

بو تست لر ياشا باغليديلار ياني هئر ياشدا بير سورو تست لر گركليديلر ايندي بير نئچه تستي ئويرنيريخ :

1-سوموك پوكالماسي :

اينسانين سوموكلري 30 ياشينا ياخين بَركيليب و 30-40 ياشاجان ئوز حاليندا قالار و بو ياشدان سؤنرا سوموكلر پوكالماغا باشلارلار آما بو پوكالماخ كيشي و آروادلاردا آيريدير و حتي آدامدان آداما فرق اليئير ، آروادلار آنا حاليندان دوشندن سونرا (يائسه) سوموكلرينين پوكالماسي يِِهين لَشَر چؤخلو سوموكلرين پوكالماسي سينماسيلا بيلينر ياني بوكي بو ياشدا آرواد بير ياواش ييخيلماغيلا سوموگو سينار بوناگؤره 50 ياشلي و بوندان يوخاري ياشلي آروادلارا سوموك پوكالما تستيني وئرمك گركليدير.

سوموك پوكالما سيناغي:

بو سيناخ سوموگون دؤلولوغونو (تراكم) و معدني موادينين آز چؤخلوغونو ئولچور ، بو سيناخ اليئه بولر سوموگون پوكالماسيني تئزليكله تاپيب و قاباغين آلا.

2-يوخاري قان باسقيسي (تانسيون= يوخاري فشارخون) :

ياش چؤخالدوخجا اينسانين قان باسقي توتماسي (فشار خون) آرتيرير و بو آرتيرمانين تئزگئجليغي اينسانين چَكيسينه (وزن) و ياشاماسينا باغليدير، قان باسقيسينين ياب ئونملي بولدورونمه سي (علامتي) گيزلي ئولماسيدير ياني بوكي قان باسقينين (فشار خونين) هئچ بير ئونملي بولدورونمَسي (علامتي) يؤخدور و سيز بيردن بيره گؤرَجكسيزكي آنوريسم (قان دامارلارين دووارينين شيشمه سي) توتوبسوز ، قان باسقيني هئي هئي (مرتب) ئولچمك بو گيزلين قالماسيني آرادان گؤتورر.

قان باسقيسيني ئولچمك :

سيز تكجه بير يؤلوز واردير اودا بودوركي قان باسقيزي هئي هئي باسقي ئولچه نيله ئولچه سيز ايندي اَير قان باسقيسي 80/120 دان آز ئولدو نورمالدير و اگر 90/140 دان چؤخ ئولدو سيزين قان باسقيز واردير .

........

يازينين داليسيني أوخوماسان أودوزوبسان

يئمگه داد وئرنلر يا دادچيلار (ادويه)

 يئمگه داد وئرنلر يا دادچيلارين (ادويه جات)  چؤخي هند ؤلكه سيندن تاپيليبلار و آيري ؤلكه لره ياييليبلار بوناگوره دادچيلارين فايدالاريني گرك بونلاردان اويره نك ، هند بولوجولرين دئيشينه گوره دادچيلارين چؤخ فايدالاري واردير و بونلارين بعضيلري بدنينيميزي زَهَرلي ماده لرين ، باكتريلرين و ويروسلارين قاباغيندا قورويورلار ، بو بؤلومده من بير نئچه دادچيلاردان (ادويه لردن) آدآپاراجامكي ضد سرطان ؤزه لليكلري واردير بو يازي دكتر بي.نيزانجان نائيك ، انكولوژينين باش مشاوري و جراح و قئيدا بالينين باش متخصصي ديليندندير بو مقاله بوجور يازير:

1- ساري كؤك (زرد چوبه) : ساري كؤكده كوركومين ماده سينين اولماغينا گوره بو بير چوراغا قارشي (ضد سرطان) دادچيدير (ادويه دير) و چوراغلي (سرطاني) پروستات (پروستات : كيشي لرين جنسي غده لريندن بيريدير بو غده اسپرم اوچون يئمك و ؤوزه ل بير سو ياراديب و انزال اولاندا اسپرم ايله بيرليكده اِشيئه توكولور) ؛ چوراغلي ملانوم ؛ چوراغلي اَمجك ؛ بِئيين توموري ؛ چوراغلي پانكراس و چوراغلي قان سلول لارين بويومَگينين قاباغيني آلير .

   2-بؤي ؤتو (رازيانه) : بو بيتگي دادچيلاردان ساييلير و دؤلودور فيتو نارين قئيدالي لاردان (فيتو ريز مغذي) و قوجلو آنتي اكسيدانلاردان دير و بونلار چوغارلي سلول لاري (سلولهاي سرطاني) بويومكدن دوردورورلار .

3- زعفران : بو دادچيدا بير دوغال (طبيعي) اسيدين (كاروتنوئيد دي كربوكسي ليك يا كروستين) قايناغيدير بو دادچي چؤغارلي (سرطاني) سلولي دايانديرماخدان علاوه تومورو كيچيلدير .

.......

.......

يازينين داليسيني أوخوماسان أودوزوبسان

دوغال (طبيعي) بالي گؤندارما (مصنوعي) بالدان نه جور تانيئيم ؟؟؟

بال آرينين يئميشيدير بالين ؤزه لليكلري چؤخدور آما من بوردا ايستيرم تكجه دوغال(طبيعي) بالي گؤندارما (مصنوعي) بالدان تانيماغي آچيخليئام و بير آيري دانيشيخدا بالين فايدالاري و ؤزه لليكلريني سيزلره آچاجام ، بالين گؤندارما و دوغال ؤلماغيني بوجر تانيياجائيخ :

1- بال يوزده يوز (100%) گپ و گؤندارمادير : بوجور بال چؤخلي خورما ، توت و شيرين ائدنلردن (گلوكز ، نشاسته لي مواد) دوزه ليبدير ، بو بال هئچ چاغ بير دوغال بالين داديني و قؤخوسون وئرمز بو بالين دوزه لتمه سي ايراندا دَب دئيل و اگر ايراندا گؤروشسه بولونكي آيري بير ؤلكه دن ايرانا گتيريليبدير اورنك اوچون چين ؤلكه سيندن .

2- بالين آزي گؤندارمادير:

بو بالين تانيماغي چؤخدا راحات دَئيل و بال بئجردنلر بو باليچيلار تانيئا بيلرلر آما من بو بؤلومده نئچه تانه بو يوللاردان سيزه ؤيره ديرم :

.....

ايستيرسيز گلجَك يازيم نه اولا ، باخيشلاردا منه يازين.

يازينين داليسيني أوخوماسان أودوزوبسان

گون گؤزلوگونون ؤزه لليكلري (خصوصيات عينك آفتابي)

بو گونلر چوخ دَب ؤلوبدوركي هئر كيم يا توركوسي هئر يئريندن دوران ؤشاق بير گون گؤزلوگي (گون عينكي) تاخيب پُز وئرير آما بوآرادا چؤخ آز اينسانلار  تاپيلاركي بو گؤزلوكلاري بيليم اوزيله سئچيبدير و ايشلدير بوناگوره من بو يازينين يازماغيني گركلي بولدوم پس بيرليكده بو يازيني  بير داها اوخوياخ.

گؤزون گيله سي (مردمك) ايشيغين آزالماسي و چؤخالماسيندا گئنه ليب و دارالاجاخ و گون ايشيغينين گؤزون ايچينه گيرمسيني تنظيم ائدجك تا گؤزون شبكيه سيني يارالاميئا بو آرادا گون گؤزلوگي ايشيغين تنظيم ائدمسينده گؤزي يارديم ائدير و شبكيه نين يارالانماسينين قاباغيني آلير آما اگر گون گؤزلوگي دوزه مللي اولماسا بو يارديم اولونميئاجاخ ، گونون پيس ايشيغي ياني اوست مؤر ايشيغي (اشعه فرابنفش) گون چيخاندان 3 ساعات گئدندن تا 3 ساعات گون باتانا قالان هاوادا اولور.

هئر گون گؤزلوگون بير ؤزه لليكلري واردير كي بو يازيدا اونلاري ياديزا ساليرام :

1- ياخجي گون گؤزلوگي (گون عينكي) گرك UV400 اولا بو بير اوست مور ايشيقين (اشعه فرابنفش) اولچوسودور ، بو اولچو دزگاهيلا (UV اولچن) بولونر و سيز تكجه گؤزلوگون اوستونده بو ماركي گؤرمقيله آللانمائين UV اولچن دزگاه گرك بو اولچونو 98 ده ن يوخاري گوستره.

.....

.....

يازينين داليسيني أوخوماسان أودوزوبسان

ويتامين D  قايناقلاري

گونون اوست مؤر ايشيغي (اشعه فرابنفش) بوگونلر ياب ؤنملي ندن (علت) دَري(پوست) سرطانينادير بونون يانيندا گونون ايشيغي ويتامين D نين ياب ؤنملي قايناقدير و ويتامين D سوموكلري بَركيديب  و يارانماسينا گركليدير پس بيز گرك ؤلچوسوجه گونون قاباغيندا دوراخ تا هم ويتامين D  ني بدنيميزه يئتيرخ و بيرده سرطاندان ؤزاخ ؤلاخ.

بؤستونون بيليم يوردونون (دانشگاه) پزشكي انستيتوسينين بولوجولري بو مقاله ده 12 قايناخ ويتامين D يه آد آپاريرلار ، بونلار بودورلار:

1-گونون ايشيغي

.....

.... 

يازينين داليسيني أوخوماسان أودوزوبسان

ريحان

ريحان بير بوتالي و بير ايلليك ؤتدير بؤيي 20- 45 سانتا قدردير قوخيسي و اييسي گوز ه لدير پوتاسينين بوياقي(رنگي) يام ياشيل (سبز تند) دير يارپاقلاري سوروايله(منظم) و يومورتاواردير (بيضي) ريحان ؤتينين گوللري آغ و اّت بوياسي(صورتي) كيميندير كي مرداد آييندان شهريور آييناجان گول آچار و بو گوللردن ريحان تْخومي آيريلير  ريحان ؤتي ايكي جوره دير بيرينين يارپاقلاري ياشيل و بيرينين يارپاقلاري مؤر (بنفش) دير.

ريحان عربجه بيرسؤزدير توركجه آنلاميني بولمورم اگر سيز بولورسيز باخيشلاردا يازين ، ريحان ؤتي هند ؤلكه سينده بؤلدير و يارپاقلاري و پوتاسيدا يئمليدير و گوزه ل ايئسي ؤلماغينا گوره يئمكلره آتارلار.

ريحان ؤتينين ايشه ياراماسي (فايدالاري) :

.............................................................................

يازينين داليسيني أوخوماسان أودوزوبسان

5 تاپشيرما ديشلره گورا

ديشين قابيغي(ميناسي) بدنين ياب بَرك ماده سيدير اگر ديشين قابيغي سؤيولا ديش آرادان گئدر آما بو قابيغي ساخلاماخ راحاتدير تكجه منيم بو يازيمي ؤخوساز دوشونورَم سيز باشا دوشه سيز.

1-شكرلي ايچمه ليلري و يئمكلري آزالدين:

شكرلي ايچمه ليلرين و يئمكلرين قندي واردير و قند آغيزدا اسيد يارادير و اسيد ديشين قابيغيني(ميناسيني) يوموشاديب و يويور ؤرنك ؤچون شكر چؤبلري(آب نبات) كي چئينمه ليديلر ديشلرين قابيغينا(ميناسينا) ياپيشيب و قابيغي يِئير ، هئر بير بارداخ (ليوان) ايچمه لي (نوشابه) بير قاشيخ شكري واردير بونون يانيندا بو ايچمه ليده (نوشابه) اسيد سيتريك و اسيد فسفريك وارديركي ديشين چوروماغيني يِئهينلادير ايندي بو ايچمه ليلرين آديني قندسيز ايچمه لي (نوشابه بدون قند) قويسونلار يا هئر نَمَنه ، چؤخ فرق ائتمز.

يازينين داليسيني أوخوماسان أودوزوبسان