ساريمساخ فايدالاري
ساريمساخ بير آب آغ(كاملا سفيد) يئميش(مئيوه) دير دادي(طعمي) بير آز آجيا چالير و بير آزجا سولودير هئر كيم أوني يئسه آغزيندان بير آز پيس قوخو گلَجَك آما أو قدر فايداسي و دَيَري وارديركي أوني يگيب و پيس ايگيسين چَكَسن چؤخلي يئمك لره سالماخ أولار أوني هم چِئي و هم ده پيشميش يئمك أولاراگر چؤخ پيشسه ويتامين ث سيني اَلدن وئرر فايدالاري چؤخدير كي بو بؤلومده نئچه سيني آد آپاراجاغام.
ساريمساقين فايدالاري :
1-ساريمساقدا ويتامين ب(B) و ث(C) واردير ويتامين ب اينسانين سينيرينه(اعصاب) و ويتامين ث اينسانين دريسينه ياخجيدير.
2-ساريمساقدا گوگرد و يد و سيليس اسانسي واردير چونكي بو اسانس لارين آنتي سپتيك(ميكروبلاري أولدورن خاصيت) خاصيتلري واردير أونا گوره اينسانين بدنينده چوخلو شيش لرين و عفونت لري أولدوروب قاباغين آلا بيلر أورنك أوچون آغ جيگر شيشي(برونشيت)، گؤي أسكوره ك ، اسهال ، تانسيون(فشار خون) ، سويوخ دَيرمه ، روماتيسم ، قورساق شيش و يارالاري (التهابات معدي) ، واريس و آياق شيش لري و آيري شيشلر كي گوزه گَلمز آرادان آپاراجاخ .
3-اينسانين آجديرار ياني اگر سيزين آجليغيز يوخدو يئمگيز آزدير يا ايستيسيز چَكيز(وزن) آرتا ساريمساخ چوخ يگين.
4-يئمَگين اَريمه سيني(هضميني) راحاتلادار بوناگوره كي قورساقين(معده) اسيد تؤكمه سيني تنظيم ائدير .
5-بوغارساقلاردا قوردلاري(كرم) مخصوصا تئل قوردلارين(كرم نخي) أولدورَجك .
6-سارمساقي يارايا وورسان يارا تئز تؤختار .
7-ايسلام دينينده ساريمساقين فايدالاريندان چوخ دگيليبدير أورنك أوچون پيغمبر قارداشيميز(ص) بويروبكي ساريمساق يئتميش(70) مريضليگين دئرمانيدير يا امام صاديق(ع) بويروب :ساريمساقيلا دردلريزي دئرمان ائدين .
ساريمساقين ضرري :
بونودا دئمَليگم كي هئر بير يئمك فايدالارينين يانيندا ضررلريدا أولا بيلير ساريمساقين تكجه بير ضرري واردير:
ساريمساقي سوت اَمر أوشاقلارا وئرمَگين بوناگوره كي ساريمساق سوتيله جور دئمَز اگر سوت اَمر أوشاقا سوت وئريب و سونرا ساريمساقِ يِئديده سيز أوشاق قارن آغري توتوب و قارني يئللَنه جك (نفخ) .
ساريمساقين ايگيسين نه جور آپارا بيلَرَم:
ساريمساقين ايگيسين آپارماق أوچون هئر بير شيئ كي كلروفيلي واردير كارا گله بيلر أورنك أوچون كلروفيل قورص لاري ، بير ايكي تانه آلما ، كؤزدا پيشميش بينه ، نئچه يارپاق جعفري پئنجري (تره) يا آيري پئنجرلركي يام ياشيل(سبز تيره) رنگلري واردير .
بو بولومون سونوندا هامي يوردداشلاريمدان ايستيرم كي ساريمساقي يئمكلريزده هئچ چاغ ياديزدان چيخارماگين نييه كي اگر بو فايدالي يئمگي ياددان چيخارساز بويوك ويتامين و فيدا قايناقيني اَلدن وئريبسيز.
